បើកវគ្គបណ្តុះបណ្តាលជំនាញសម្រាប់កងទ័ពប្រជាជនឡាវ

ក្នុងវគ្គបណ្តុះបណ្តាលនេះ ទស្សនាវដ្ដីការពារជាតិដោយប្រជាជនទាំងមូលវៀតណាមបានបញ្ជូនកម្មាភិបាល និងគ្រូបង្រៀនដែលមានបទពិសោធន៍ច្រើនក្នុងការស្រាវជ្រាវ និពន្ធ បោះពុម្ពទស្សនាវដ្តី ចូលរួមវគ្គបណ្ដុះបណ្ដាលនេះ។

ប្រតិភូដែលចូលរួមពិធីបើកវគ្គបណ្តុះបណ្តាលជំនាញសម្រាប់កម្មាភិបាលរបស់ទស្សនាវដ្តីការពារជាតិនៃកងទ័ពប្រជាជនឡាវ

ក្នុងរយៈពេលជិតមួយខែ កម្មាភិបាលនៃទស្សនាវដ្ដីការពារជាតិរបស់កងទ័ពប្រជាជនឡាវនឹងស្រាវជ្រាវ និងពិភាក្សាអំពីការរៀបចំ និងប្រតិបត្តិការរបស់ទស្សនាវដ្ដីការពារជាតិដោយប្រជាជនទាំងមូលវៀតណាម និងចែករំលែកបទពិសោធន៍អំពីការធ្វើសកម្មភាពសារព័ត៌មានរបស់ទស្សនាវដ្ដីការពារជាតិដោយប្រជាជនទាំងមូលវៀតណាមអនឡាញដែលមានភាសារវៀតណាម អង់គ្លេស និងចិន ហើយចែករំលែកបទពិសោធន៍ក្នុងការកសាង ការគ្រប់គ្រង និងប្រតិបត្តិការគេហទំព័រនៃទស្សនាវដ្ដីការពារជាតិដោយប្រជាជនទាំងមូលវៀតណាម... ក្នុងអំឡុងពេលបណ្តុះបណ្តាល កម្មាភិបាលនៃទស្សនាវដ្ដីការពារជាតិរបស់កងទ័ពប្រជាជនឡាវនឹងមានឱកាសផ្លាស់ប្តូរបទពិសោធន៍នៅអង្គភាពមួយចំនួនក្នុងកងទ័ពប្រជាជនវៀតណាមដែលទាក់ទងនឹងការងារស្រាវជ្រាវ និងផ្សព្វផ្សាយព័ត៌មាន។

នាថ្ងៃទី ៣០ ខែកក្កដា មហាវិទ្យាល័យវប្បធម៌និងសិល្បៈកងទ័ព បានបើកវគ្គបណ្តុះបណ្តាលជំនាញសម្រាប់ក្រុមសិល្បកររបស់កងទ័ពប្រជាជនឡាវនៅឆ្នាំ២០២៤។ វគ្គបណ្តុះបណ្តាលនេះមានរយៈពេល ៣ ខែ ដោយមានមុខវិជ្ជាចំនួន៣ ក្នុងគោលបំណងលើកកម្ពស់ជំនាញ ព្រមទាំង បង្កើតលក្ខខណ្ឌអំណោយផលសម្រាប់សិល្បករ និងអ្នកបច្ចេកទេសក្នុងការផ្លាស់ប្តូរ និងចែករំលែកបទពិសោធន៍ រួមចំណែកលើកកំពស់ជីវភាពវប្បធម៌ និងស្មារតីរបស់កងទ័ព និងប្រជាជនឡាវក្នុងដំណាក់កាលថ្មី៕

បកប្រែដោយ Thuy Anh