លោកឧត្តមសេនីយ៍ឯក Hoang Xuan Chien ទទួលជួបនាយិកាប្រតិបត្តិវិទ្យាស្ថានស្រាវជ្រាវយុទ្ធសាស្ត្រអន្តរជាតិ
កប.អនឡាញ - នាព្រឹកថ្ងៃទី៣ ឧសភា នៅទីស្នាក់ការក្រសួងការពារប្រទេស លោកឧត្តមសេនីយ៍ឯក Hoang Xuan Chien សមាជិកគណៈកម្មាធិការមជ្ឈិមបក្ស អនុរដ្ឋមន្ត្រីក្រសួងការពារប្រទេសវៀតណាម បានទទួលជួបលោកស្រី Veerle Nouwens នាយិកាប្រតិបត្តិវិទ្យាស្ថានស្រាវជ្រាវយុទ្ធសាស្ដ្រអន្តរជាតិ (IISS) តំបន់អាស៊ី។
នៅក្នុងជំនួប តាងនាមថ្នាក់ដឹកនាំក្រសួងការពារប្រទេសវៀតណាម លោកឧត្តមសេនីយ៍ឯក Hoang Xuan Chien បានអបអរសាទរចំពោះលោកស្រី Veerle Nouwens ដែលត្រូវបានតែងតាំងជានាយិកាប្រតិបត្តិ IISS តំបន់អាស៊ី ដោយសម្តែងនូវក្តីជឿជាក់ថា ក្រោមការដឹកនាំរបស់លោកស្រី IISS តំបន់អាស៊ីនឹងបន្តអភិវឌ្ឍបន្ថែមទៀត។ លោកឧត្តមសេនីយ៍ឯក Hoang Xuan Chien បានវាយតំលៃខ្ពស់ចំពោះកិត្យានុភាព តួនាទីរបស់ IISS និយាយរួម និងកិត្យានុភាព តួនាទីនៃកិច្ចសន្ទនា Shangri-La ដែលរៀបចំដោយ IISS នៅអាស៊ីនិយាយដោយឡែក។
លោកឧត្តមសេនីយ៍ឯក Hoang Xuan Chien បានអះអាងថា នេះគឺជាវេទិកាដ៏សំខាន់សម្រាប់អ្នកបង្កើតគោលនយោបាយបង្ហាញទស្សនៈរបស់ខ្លួនលើបញ្ហាអន្តរជាតិ និងតំបន់ដែលកំពុងកើតមាន និងបង្ហាញពីគោលនយោបាយការពារជាតិ និងសន្តិសុខរបស់វៀតណាម។ ទន្ទឹមនឹងនោះ ក៏ជាឱកាសសម្រាប់ថ្នាក់ដឹកនាំក្រសួងការពារប្រទេស និងកងទ័ពនៃបណ្តាប្រទេស ជួបទ្វេភាគីនៅខាងក្រៅដើម្បីផ្លាស់ប្តូរ ចែករំលែកទស្សនៈ ក៏ដូចជាជួបជុំជាមួយដៃគូពាណិជ្ជកម្មផងដែរ។
|
|
លោកឧត្តមសេនីយ៍ឯក Hoang Xuan Chien ទទួលជួបលោកស្រី Veerle Nouwens |
លោកឧត្តមសេនីយ៍ឯក Hoang Xuan Chien សង្ឃឹមថា នាពេលខាងមុខ ក្រសួងការពារប្រទេសវៀតណាមនឹងបានស្វាគមន៍ថ្នាក់ដឹកនាំ និងអ្នកជំនាញស្រាវជ្រាវរបស់ IISS មកបំពេញទស្សនកិច្ចនៅវៀតណាម ដើម្បីផ្លាស់ប្តូរទស្សនៈ ចែករំលែកបទពិសោធន៍ និងស្វែងរកលទ្ធភាពសហប្រតិបត្តិការស្រាវជ្រាវរវាង IISS និងស្ថាប័នស្រាវជ្រាវការពារជាតិរបស់វៀតណាម។ ក្រសួងការពារប្រទេសនឹងបង្កើតលក្ខខណ្ឌអំណោយផលសម្រាប់ស្ថាប័នស្រាវជ្រាវនៃក្រសួងការពារប្រទេស ដើម្បីបន្តជំរុញកិច្ចសហប្រតិបត្តិការជាមួយ IISS; បញ្ជូនគណៈប្រតិភូទៅចូលរួមសកម្មភាពដែលរៀបចំដោយតំបន់ IISS តំបន់អាស៊ី ដោយផ្អែកលើការអញ្ជើញរបស់ IISS។
លោកស្រី Veerle Nouwens នាយិកាប្រតិបត្តិ IISS តំបន់អាស៊ី បានសង្កត់ធ្ងន់ថា IISS គឺជាទីភ្នាក់ងារដែលមានការស្រាវជ្រាវស៊ីជម្រៅជាច្រើនលើបញ្ហាយុទ្ធសាស្ត្រអន្តរជាតិ និងមានបទពិសោធន៍ជាច្រើនក្នុងការរៀបចំសិក្ខាសាលា និងសន្និសីទអន្តរជាតិ ជាពិសេសគឺកិច្ចសន្ទនា Shangri-La ប្រចាំឆ្នាំ។ លោកស្រី Veerle Nouwens សង្ឃឹមថា ក្នុងអាណត្តិបេសកកម្មការទូតរបស់ខ្លួន លោកស្រីនឹងរួមចំណែកក្នុងការកសាងទំនាក់ទំនងសហប្រតិបត្តិការដ៏រឹងមាំជាមួយវៀតណាម។ នៅឆ្នាំ ២០២៤ កិច្ចសន្ទនា Shangri-La លើកទី ២១ នឹងប្រព្រឹត្តទៅចាប់ពីថ្ងៃទី ៣១ ខែឧសភា ដល់ថ្ងៃទី ២ ខែមិថុនា នៅប្រទេសសិង្ហបុរី៕
បកប្រែដោយ Huyen Trang