នាវាលេខ ០១៦-Quang Trung ចេញដំណើរទៅចូលរួមលំហាត់ហ្វឹកហ្វឺន និងបំពេញទស្សនកិច្ចជាមិត្តភាពនៅប្រទេសចិន
កប.អនឡាញ - នារសៀលថ្ងៃទី៨ ខែវិច្ឆិកា នាវាលេខ ០១៦-Quang Trung (កងពលតូចលេខ ១៦២ តំបន់លេខ ៤ កងទ័ពជើងទឹក) និងក្រុមបេសកកម្មនៃកងទ័ពជើងទឹកប្រជាជនវៀតណាម ដែលដឹកនាំដោយលោកវរសេនីយ៍ឯក Nguyen Van Ngan នាយរងសេនាធិការនៃតំបន់លេខ ៤ កងទ័ពជើងទឹក បានចាកចេញពីកំពង់ផែយោធា Cam Ranh ដើម្បីចូលរួមលំហាត់ហ្វឹកហ្វឺន "សន្តិភាព និងមិត្តភាពឆ្នាំ២០២៣" នៅទីក្រុង Zhan Jiang និងបំពេញទស្សនកិច្ចមិត្តភាពនៅទីក្រុងហុងកុង (ប្រទេសចិន) ចាប់ពីថ្ងៃទី៨ ដល់ថ្ងៃទី៣០ ខែវិច្ឆិកា។
ដំណើរទស្សនកិច្ចនេះមានគោលបំណងអនុវត្តការដឹកនាំរបស់គណៈកម្មាធិការបក្សយោធាមជ្ឈិម និងថ្នាក់ដឹកនាំក្រសួងការពារប្រទេសស្តីពីការធ្វើសមាហរណកម្មអន្តរជាតិ និងការទូតការពារជាតិ ចូលរួមចំណែកក្នុងការពង្រឹង និងពង្រីកទំនាក់ទំនងមិត្តភាព និងកិច្ចសហប្រតិបត្តិការដែលមានស្រាប់រវាងកងទ័ពនិងកងទ័ពជើងទឹកវៀតណាម ជាមួយកងទ័ព និងកងទ័ពជើងទឹកចិន និងប្រទេសដទៃទៀតដែលចូលរួមលំហាត់ហ្វឹកហ្វឺននេះ។
    |
 |
|
ពិធីជូនដំណើរនាវាចេញទៅបំពេញភារកិច្ចក្រោមអធិបតីភាពលោកវរសេនីយ៍ឯកបំរុង Pham Anh Tuan មេបញ្ជាការរង នាយសេនាធិការតំបន់លេខ៤ កងទ័ពជើងទឹក |
តាមគម្រោង នៅប្រទេសចិន នាវាលេខ ០១៦-Quang Trung នឹងចូលរួមក្នុងសកម្មភាពនានានៅកំពង់ផែ ដូចជា៖ ការប្រយុទ្ធដើម្បីការពារនាវា ពិភាក្សាអំពីការជួយសង្គ្រោះយុទ្ធជនដែលរងរបួស ការប្រយុទ្ធប្រឆាំងចោរសមុទ្រ ការស្វែងរកនិងការជួយសង្គ្រោះ ការផ្លាស់ប្តូរវប្បធម៌ កីឡា ម្ហូបអាហារ។ល។
បន្ទាប់ពីបញ្ចប់លំហាត់ហ្វឹកហ្វឺននៅទីក្រុង Zhan Jiang នាវាលេខ ០១៦-Quang Trung និងក្រុមបេសកកម្មនឹងទៅបំពេញទស្សនកិច្ចជាមិត្តភាពនៅហុងកុង (ចិន)៕
បកប្រែដោយ Thuy Anh