លោកនាយឧត្តមសេនីយ៍ Phan Van Giang អញ្ជើញអុជធូបរំលឹកវិញ្ញាណក្ខន្ធ និងសម្តែងការដឹងគុណចំពោះអតីតថ្នាក់ដឹកនាំបក្ស រដ្ឋ និងកងទ័ព

លោករដ្ឋមន្ត្រី Phan Van Giang បានអញ្ជើញទៅសួរសុខទុក្ខក្រុមគ្រួសារ និងអុជធូបរំលឹកវិញ្ញាណក្ខន្ធអតីតសមាជិកការិយាល័យនយោបាយរួមមាន៖ លោកឧត្តមសេនីយ៍ឯក Le Kha Phieu អតីតអគ្គលេខាបក្ស អតីតប្រធានអគ្គស្នងការនយោបាយនៃកងទ័ពប្រជាជនវៀតណាម,​ លោកនាយឧត្តមសេនីយ៍ Le Duc Anh អតីតប្រធានរដ្ឋ អតីតរដ្ឋមន្ត្រីក្រសួងការពារប្រទេស, លោកនាយឧត្តមសេនីយ៍ Vo Nguyen Giap អតីតលេខាគណៈកម្មាធិការបក្សយោធាមជ្ឈិម អតីតអគ្គមេបញ្ជាការកងទ័ពប្រជាជនវៀតណាម អតីតឧបនាយករដ្ឋមន្ត្រី អតីតរដ្ឋមន្ត្រីក្រសួងការពារប្រទេស, លោកនាយឧត្តមសេនីយ៍ Chu Huy Man អតីតអនុប្រធានក្រុមប្រឹក្សារដ្ឋ អតីតប្រធានអគ្គស្នងការនយោបាយនៃកងទ័ពប្រជាជនវៀតណាម។ អតីតសមាជិកការិយាល័យនយោបាយ អតីតរដ្ឋមន្ត្រីការពារប្រទេសរួម​មាន​ លោកនាយឧត្តមសេនីយ៍ Van Tien Dung, លោកនាយឧត្តមសេនីយ៍ Doan Khue, លោកនាយឧត្តមសេនីយ៍ Phung Quang Thanh។ អតីតប្រធាន​អគ្គសេនាធិការកងទ័ពប្រជាជនវៀតណាម អតីតអនុរដ្ឋមន្ត្រីក្រសួងការពារប្រទេស៖ លោកនាយឧត្តមសេនីយ៍ Hoang Van Thai និងលោកនាយឧត្តមសេនីយ៍ Le Trong Tan ។

លោកនាយឧត្តមសេនីយ៍ Phan Van Giang អញ្ជើញអុជធូបរំលឹកវិញ្ញាណក្ខន្ធលោកនាយឧត្តមសេនីយ៍ Vo Nguyen Giap

នៅចំពោះមុខវិញ្ញាណក្ខន្ធរបស់អតីតថ្នាក់ដឹកនាំបក្ស រដ្ឋ និងកងទ័ព លោករដ្ឋមន្ត្រី Phan Van Giang បានសម្តែងការដឹងគុណយ៉ាងជ្រាលជ្រៅចំពោះការរួមវិភាគទានដ៏ធំធេងរបស់អតីតថ្នាក់ដាំនាំទាំងអស់ចំពោះបុព្វហេតុបដិវត្តន៍របស់បក្ស និងការកសាងកងទ័ពគ្រប់ជំនាន់។

ក្នុងបរិយាកាសស្និទ្ធស្នាល លោករដ្ឋមន្ត្រី Phan Van Giang បានសួរសុខទុក្ខសុខភាព និងជីវភាពរស់នៅរបស់ញាតិមិត្ត និងក្រុមគ្រួសារអតីតថ្នាក់ដឹកនាំបក្ស រដ្ឋ និងកងទ័ព។ លោករដ្ឋមន្ត្រី Phan Van Giang មានបំណងថា ញាតិមិត្ត ក្រុមគ្រួសារ បន្តប្រពៃណី អប់រំកូនចៅជំនាន់ក្រោយ រួមដៃគ្នាចូលរួមអភិវឌ្ឍន៍ប្រទេសជាតិ និងកងទ័ព៕

បកប្រែដោយ Duy Hoan