ហាត់សមបឋមថ្នាក់រដ្ឋនៃពិធីដង្ហែក្បួនព្យុះហយាត្រាក្នុងឱកាសខួបលើកទី ៨០ នៃទិវាបដិវត្តន៍ខែសីហា និងទិវាបុណ្យឯករាជ្យជាតិថ្ងៃទី ២ ខែកញ្ញា

មុនពេលកម្មវិធីហាត់សមបឋម លោក Pham Minh Chinh នាយករដ្ឋមន្ត្រី និងថ្នាក់ដឹកនាំបានជូនអំណោយ និងលើកទឹកចិត្តដល់ក្រុមដែលចូលរួមដង្ហែក្បួនព្យុះហយាត្រា។

លោក Pham Minh Chinh នាយករដ្ឋមន្ត្រី លើកទឹកចិត្តដល់ក្រុមដែលចូលរួមដង្ហែក្បួនព្យុះហយាត្រា

ដើម្បីបម្រើប្រជាពលរដ្ឋដែលមកទស្សនា កម្មវិធីហាត់សមបឋមនៃពិធីដង្ហែក្បួនព្យុះហយាត្រា ចាប់ពីព្រឹកថ្ងៃទី២៧ ខែសីហា កម្លាំងសមត្ថកិច្ចបានដំឡើងតង់បណ្ដោះអាសន្នចំនួន១០ នៅទីតាំងចំនួន៥; រៀបចំកន្លែងចំណតរថយន្ត ម៉ូតូ កងដោយឥតគិតថ្លៃសម្រាប់ប្រជាជន និងផ្គត់ផ្គង់ទឹកបរិសុទ្រ... ទន្ទឹមនឹងនោះ កម្មាភិបាលនិងយុទ្ធជននៃអង្គភាពកងទ័ពនិងនគរបាលរាប់ពាន់នាក់ត្រូវបានប្រមូលផ្តុំ ដើម្បីការពារសន្តិសុខ ធានាសណ្តាប់ធ្នាប់ និងសុវត្ថិភាពចរាចរណ៍។

មនុស្សជាង ៤០,០០០ នាក់ ចូលរួមហាត់សមបឋមនៃពិធីដង្ហែក្បួនព្យុះហយាត្រានៅទីលាន Ba Dinh

គ្រឿងសព្វាវុធជាច្រើនប្រភេទនៅកម្មវិធីហាត់សមបឋម

បន្ទាប់ពីកម្មវិធីហាត់សមបឋម គណៈកម្មាធិការដឹកនាំមជ្ឈិមបានរៀបចំកិច្ចប្រជុំដកបទពិសោធន៍សម្រាប់ស្ថាប័ននិងអង្គភាពពាក់ព័ន្ធ។ នៅព្រឹកថ្ងៃទី២៨ ខែសីហា អនុគណៈកម្មាធិការដង្ហែក្បួនព្យុះហយាត្រា បានរៀបចំកិច្ចប្រជុំដកបទពិសោធន៍ និងដាក់ពង្រាយភារកិច្ចបន្ទាប់ទៀត។ តាមការគ្រៀងទុក កម្មវិធីហាត់សមលើកចុងក្រោយនៃពិធីដង្ហែក្បួនព្យុះហយាត្រានឹងប្រព្រឹត្តទៅនៅព្រឹកថ្ងៃទី៣០ ខែសីហា៕

បកប្រែដោយ Pham Diep