នារសៀលថ្ងៃទី៤ ខែធ្នូ នៅទីក្រុងហាណូយ គណៈកម្មាធិការបក្សនគរបាលមជ្ឈិម បានរៀបចំកិច្ចប្រជុំគណៈកម្មាធិការបក្សនគរបាលមជ្ឈិមឆ្នាំ២០២៥ ដើម្បីផ្តល់យោបល់លើខ្លឹមសារតាមសិទ្ធិអំណាច។ លោក To Lam អគ្គលេខាបក្សបានអញ្ជើញចូលរួមនិងថ្លែងសុន្ទរកថាដឹកនាំកិច្ចប្រជុំ។ អញ្ជើញចូលរួមក៏មានលោក Luong Cuong ប្រធានរដ្ឋ និងលោក Pham Minh Chinh នាយករដ្ឋមន្ត្រីផងដែរ។

leftcenterrightdel
លោក To Lam អគ្គលេខាបក្ស ថ្លែងក្នុងកិច្ចប្រជុំ

ថ្លែងក្នុងកិច្ចប្រជុំនេះ លោក To Lam អគ្គលេខាបក្ស និង Luong Cuong ប្រធានរដ្ឋ និងលោក Pham Minh Chinh នាយករដ្ឋមន្ត្រី បានកត់សម្គាល់និងវាយតម្លៃខ្ពស់ចំពោះកិច្ចខិតខំប្រឹងប្រែង ស្មារតីគំរូ និងសមិទ្ធផលដែលគណៈកម្មាធិការបក្សនគរបាលមជ្ឈិម និងក្រសួងនគរបាលសម្រេចបានក្នុងឆ្នាំ ២០២៥។

នាពេលខាងមុខ លោក To Lam អគ្គលេខាបក្សបានស្នើឱ្យកងកម្លាំងនគរបាលប្រជាជនប្រមូលផ្ដុំកម្លាំងដើម្បីការការពារសន្តិសុខ និងសុវត្ថិភាពនៃមហាសន្និបាតលើកទី ១៤ របស់បក្ស និងការបោះឆ្នោតជ្រើសរើសសមាជិករដ្ឋសភានីតិកាលទី ១៦ និងបោះឆ្នោតសមាជិកក្រុមប្រឹក្សាប្រជាជនសម្រាប់អាណត្តិឆ្នាំ ២០២៦-២០៣១។

leftcenterrightdel
លោក To Lam អគ្គលេខាបក្ស និងប្រតិភូទាំងឡាយ

ទន្ទឹមនឹងនោះ  បង្កើនការចូលរួមចំណែករបស់កម្លាំងនគរបាលក្នុងការអនុវត្តគោលដៅយុទ្ធសាស្ត្រ រួមមាន៖ "សន្តិភាព ស្ថិរភាព - អភិវឌ្ឍប្រកបដោយចីរភាព គុណភាពខ្ពស់ - កែលម្អគ្រប់ទិដ្ឋភាពនៃជីវភាពរស់នៅរបស់ប្រជាជន" បង្កើនកំណើនសេដ្ឋកិច្ច   និងអនុវត្តសេចក្ដីសម្រេចចិត្ដយុទ្ធសាស្ត្ររបស់ការិយាល័យនយោបាយ។ លោកអគ្គលេខាបក្ស ក៏បានស្នើឱ្យផ្តោតលើការកសាងបក្ស កសាងកម្លាំងនគរបាលប្រជាជនបដិវត្តន៍ប្រកបដោយរបៀបរៀបរយ ចំណាន និងទំនើបផងដែរ៕

បកប្រែដោយ Pham Diep