កងទ័ពការពារព្រំដែនខេត្ត Dong Nai ពិនិត្យគុណភាពប្រើប្រាស់ភាសាខ្មែររបស់យោធិន

លោកវរសេនីយ៍ឯក Nguyen Anh Duc មេបញ្ជាការរងបញ្ជាការដ្ឋានយោធាខេត្ត មេបញ្ជាការគណៈបញ្ជាការដ្ឋានកងទ័ពការពារព្រំដែនខេត្ត បានអញ្ជើញចូលរួមនិងថ្លែងសុន្ទរកថាបើកកម្មវិធី។

ការពិនិត្យនេះក្នុងគោលបំណងវាយតម្លៃគុណភាពប្រើប្រាស់ភាសាខ្មែររបស់យោធិន

លោកវរសេនីយ៍ឯក  Nguyen Anh Duc ថ្លែងសុន្ទរកថាបើកកម្មវិធី

ថ្លែងក្នុងពិធីបើក លោកវរសេនីយ៍ឯក Nguyen Anh Duc បានសង្កត់ធ្ងន់ថា៖ កងទ័ពការពារព្រំដែនខេត្ដ Dong Nai ដែលមានភារកិច្ចគ្រប់គ្រងខ្សែបន្ទាត់ព្រំដែនជិត ២៦០ គីឡូម៉ែត្រ ដែលជាប់នឹងខេត្តទាំងបីគឺខេត្តត្បូងឃ្មុំ ក្រចេះ និងមណ្ឌលគីរី នៃប្រទេសកម្ពុជា គឺជាតំបន់ព្រំដែនមានជនជាតិខ្មែររស់នៅ និងធ្វើការយ៉ាងច្រើន ដូច្នេះការប្រើប្រាស់ភាសាខ្មែរគឺជាតម្រូវការចាំបាច់ និងមានសារៈសំខាន់ពិសេសសម្រាប់កម្មាភិបាលនិងយុទ្ធជននៃកងទ័ពការពារព្រំដែនខេត្តក្នុងការអនុវត្តភារកិច្ច។

ព្រមទាំងរួមចំណែកដល់ការកសាងរូបភាពកងទ័ពការពារព្រំដែនជិតស្និទ្ធជាមួយនឹងប្រជាជន យល់ប្រជាជន ក៏ដូចជាពង្រឹងទំនាក់ទំនងសាមគ្គីភាពរវាងកងទ័ពនិងប្រជាជន ការកសាងទំនាក់ទំនងសាមគ្គីភាព មិត្តភាព និងកិច្ចសហប្រតិបត្តិការរវាងកងកម្លាំងការពារព្រំដែននៃប្រទេសទាំងពីរ។

យោធិនប្រឡងអាន និងសរសេរ

លទ្ធផលនៃការពិនិត្យនេះគឺជាមូលដ្ឋានសំខាន់សម្រាប់គណៈបញ្ជាការដ្ឋានកងទ័ពការពារព្រំដែនខេត្តវាយតម្លៃគុណភាព  ព្រមទាំងរៀបចំផែនការបណ្តុះបណ្តាល និងលើកកម្ពស់សមត្ថភាពប្រើប្រស់ភាសាខ្មែររបស់កម្មាភិបាលនិងយុទ្ធជននាពេលខាងមុខ៕

បកប្រែដោយ Pham Diep