ឧស្សាហកម្មការពារជាតិវៀតណាមអាចសាងសង់ នាវាយោធាទំនើបដោយខ្លួនឯង

ដើម្បីឆ្លើយតបតម្រូវការភារកិច្ចក្នុងស្ថានភាពថ្មី ជាមួយនឹងលទ្ធភាពស្រាវជ្រាវដោយខ្លួនឯង និងផលិតសព្វាវុធទំនើបៗ និងបច្ចេកទេសទំនើបនៃឧស្សាហកម្មការពារជាតិនោះ ការអភិវឌ្ឍន៍សព្វាវុធទំនើប ជាពិសេសការស្រាវជ្រាវ និងការអភិវឌ្ឍន៍នាវាយោធាជំនាន់ថ្មី គឺជាកិច្ចការចាំបាច់ និងសំខាន់​។

លោកឧត្តមសេនីយ៍ឯក Pham Hoai Nam អនុរដ្ឋមន្ត្រីក្រសួងការពារប្រទេសវៀតណាមបានអញ្ជើញជាអធិបតីក្នុងកិច្ចប្រជុំ

ទិដ្ឋភាពនៃកិច្ចប្រជុំ

ថ្លែងក្នុងកិច្ចប្រជុំ លោកឧត្តមសេនីយ៍ឯក Pham Hoai Nam បានកោតសរសើរចំពោះស្ថាប័ន អង្គភាពនានាដែលបានស្រាវជ្រាវ និងរចនានាវាយោធា ក្រោមការដឹកនាំរបស់ក្រសួងការពារប្រទេស។ ដើម្បីដាក់ពង្រាយការរចនា និងដំឡើងនាវាយោធាថ្មីឲ្យធានាគុណភាព លក្ខណៈបច្ចេកទេស និងឆ្លើយតបតម្រូវការភារកិច្ចរបស់កងទ័ពជើងទឹក លោកឧត្តមសេនីយ៍ឯក Pham Hoai Nam បានស្នើឱ្យអគ្គនាយកដ្ឋានឧស្សាហកម្មការពារជាតិដឹកនាំវិទ្យាស្ថានរចនានាវាយោធា សហការជាមួយវិទ្យាស្ថានបច្ចេកទេសកងទ័ពជើងទឹក (កងឯកភាពទ័ពជើងទឹក) និងរោងចក្រផលិតនាវា ដើម្បីទទួល​ឯកសាររចនានិងស្រាវជ្រាវ  និងដាក់ចេញផែនការរចនា និងសាងសង់នាវានាឲ្យស្របតាមតម្រូវការភារកិច្ចរបស់កងទ័ពជើងទឹក; ព្រមទាំងដឹកនាំរោងចក្រផលិតនាវាដែលមានសមត្ថភាពគ្រប់គ្រាន់ចូលរួមសហការ ដាក់ចេញផែនការរចនានិងសាងសង់នាវាយោធាថ្មីតាំងពីដំណាក់កាលដំបូងដើម្បីកាត់បន្ថយពេលវេលានៃការសាងសង់នាវា ទន្ទឹមនឹងនោះ លើកសំណើទៅក្រសួងការពារប្រទេសអំពីនីតិវិធីសម្រាប់ការដំឡើងនាវាយោធាថ្មី  ធានាគុណភាព វឌ្ឍនភាព និងតាម​បទប្បញ្ញត្តិ៕

បកប្រែដោយ Pham Diep