បញ្ជាការដ្ឋានយោធាខេត្ត Lam Dong ស្វាគមន៍ក្រុមសិល្បៈយោធាភិរម្យកងយោធពលខេមរភូមិន្ទ

លោកវរសេនីយ៍ឯក Dinh Hong Tieng មេបញ្ជាការបញ្ជាការដ្ឋានយោធា បានអញ្ជើញទទួលជួបគណៈប្រតិភូ

ក្រុមសិល្បៈយោធាភិរម្យកងយោធពលខេមរភូមិន្ទ បានធ្វើទស្សនកិច្ចនៅប្រទេសវៀតណាម ដើម្បីផ្លាស់ប្តូរ និងសម្តែងក្នុងពិធីអបអរសាទរខួបលើកទី ៨០ នៃទិវាបុណ្យឯករាជ្យជាតិនៃសាធារណរដ្ឋសង្គមនិយមវៀតណាម (២ កញ្ញា ១៩៤៥ - ២ កញ្ញា ២០២៥)។

ដោយសម្តែងនូវសេចក្តីរីករាយដែលបានទទួលស្វាគមន៍ក្រុមសិល្បៈយោធាភិរម្យកងយោធពលខេមរភូមិន្ទ លោកវរសេនីយ៍ឯក Dinh Hong Tieng បានអះអាងថា៖ ការផ្លាស់ប្តូរ និងសកម្មភាពសម្តែងសិល្បៈរបស់ ក្រុមសិល្បៈយោធាភិរម្យកងយោធពលខេមរភូមិន្ទ លើកនេះ មានសារសំខាន់ក្នុងការបង្កើនការយល់ដឹង និងតភ្ជាប់មនោសញ្ចេតនារវាងប្រជាជន និងកងទ័ពនៃប្រទេសទាំងពីរ។ ទំនាក់ទំនងរវាងកងយោធពលខេមរភូមិន្ទ និងកងទ័ពប្រជាជនវៀតណាមត្រូវបានពង្រឹង និងអភិវឌ្ឍន៍យ៉ាងរឹងមាំក្នុងស្មារតី “ភាពជាអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការលើគ្រប់ជ្រុងជ្រោយ និរន្តរភាពយូរអង្វែង”។

បញ្ជាការដ្ឋានយោធភូមិភាគខេត្ត ជូនអំណោយដល់ក្រុមសិល្បៈយោធាភិរម្យកងយោធពលខេមរភូមិន្ទ

ក្នុងឱកាសនេះ មេបញ្ជាការបញ្ជាការដ្ឋានយោធាខេត្ត Lam Dong បានជម្រាបជូនសមាជិកក្រុមសិល្បៈយោធាភិរម្យកងយោធពលខេមរភូមិន្ទអំពីលក្ខណៈ លក្ខខណ្ឌធម្មជាតិ និងភាពស្រស់ស្អាតវប្បធម៌របស់ខេត្ត Lam Dong។ លោកបានសម្តែងក្តីសង្ឃឹមថា នាពេលខាងមុខ បញ្ជាការដ្ឋានយោធាខេត្ត Lam Dong និងអង្គភាពនានានៃកងយោធពលខេមរភូមិន្ទនឹងបន្តមានសកម្មភាពផ្លាស់ប្តូរជាក់ស្តែង និងមានប្រសិទ្ធភាពជាច្រើន ដើម្បីពង្រឹងទំនាក់ទំនងកិច្ចសហប្រតិបត្តិការលើគ្រប់វិស័យរវាងកងទ័ព និងប្រជាជននៃប្រទេសទាំងពីរឱ្យកាន់តែរីកចម្រើន និងស៊ីជម្រៅ។

ក្នុងនាម ក្រុមសិល្បៈយោធាភិរម្យកងយោធពលខេមរភូមិន្ទ លោកវរសេនីយ៍ឯក ណាក់ វិចិត្រ ប្រធានគណៈប្រតិភូ បានថ្លែងអំណរគុណចំពោះការទទួលស្វាគមន៍យ៉ាងកក់ក្តៅ និងស្និទ្ធស្នាលរបស់បញ្ជាការដ្ឋានយោធាខេត្ត Lam Dong។ លោកវរសេនីយ៍ឯក ណាក់ វិចិត្រ បានអបអរសាទរខួបលើកទី៨០ នៃទិវាប្រពៃណី នៃកងកម្លាំងប្រដាប់អាវុធប្រជាជននៃខេត្ត Lam Dong (ថ្ងៃទី២៣ ខែសីហា ឆ្នាំ១៩៤៥ ថ្ងៃទី២៣ ខែសីហា ២០២៥); ជូនពរកងកម្លាំងប្រដាប់អាវុធខេត្ត Lam Dong បន្តលើកតម្កើងប្រពៃណី និងសម្រេចបាននូវរាល់ភារកិច្ចដែលប្រគល់ជូន

មេបញ្ជាការបញ្ជាការដ្ឋានយោធាខេត្ត Lam Dong ថតរូបអនុស្សាវរីយ៍ជាមួយក្រុមសិល្បៈកងយោធពលខេមរភូមិន្ទ

លោកវរសេនីយ៍ឯក ណាក់ វិចិត្រ បានបញ្ជាក់ថា ក្រុមនឹងខិតខំអស់ពីសមត្ថភាពក្នុងដំណើរបំពេញទស្សនកិច្ចនេះ ដើម្បីរួមចំណែកក្នុងព្រឹត្តិការណ៍ដ៏សំខាន់នៃខួបលើកទី ៨០ នៃទិវាបុណ្យឯករាជ្យជាតិ នៃសាធារណរដ្ឋសង្គមនិយមវៀតណាម។ អាស្រ័យហេតុនេះ ពង្រឹងចំណងសាមគ្គីភាព និងមិត្តភាពរវាងប្រទេសទាំងពីរ កងទ័ពនៃប្រទេសទាំងពីរវៀតណាម និងកម្ពុជា ឲ្យកាន់តែរីកចម្រើនថែមទៀត។

កម្មវិធីសម្តែងក្រោមប្រធានបទ “ចំណងមិត្តភាពវៀតណាម - កម្ពុជា” ដោយក្រុមសិល្បៈយោធាភិរម្យកងយោធពលខេមរភូមិន្ទ នឹងប្រព្រឹត្តទៅនៅបញ្ជាការដ្ឋានយោធា ខេត្ត Lam Dong នាល្ងាចថ្ងៃទី ២៤ ខែសីហា។

បកប្រែដោយ Duy Hoan