លោករដ្ឋមន្ត្រី Phan Van Giang អញ្ជើញជាអធិបតីក្នុងសន្និសីទប្រគល់និងទទួលភារកិច្ចជាមេបញ្ជាការយោធភូមិភាគទី២

ថ្នាក់ដឹកនាំយោធភូមិភាគទី ២ ទទួលស្វាគមន៍លោករដ្ឋមន្ត្រី Phan Van Giang

ថ្លែងក្នុងសន្និសីទនេះ លោករដ្ឋមន្ត្រី Phan Van Giang បានអះអាងថា នាពេលកន្លងមក ក្នុងឋានៈជាមេបញ្ជាការយោធភូមិភាគទី ២ លោកឧត្តមសេនីយ៍ទោ Pham Hong Chuong រួមជាមួយគណៈកម្មាធិការបក្ស និងបញ្ជាការដ្ឋានយោធភូមិភាគទី២ បានដឹកនាំកងកម្លាំងប្រដាប់អាវុធនៃយោធភូមិភាគទី២ សម្រេចបានជោគជ័យគ្រប់ភារកិច្ច។  លោករដ្ឋមន្ត្រី Phan Van Giang អបអរសាទរជូនចំពោះលោកឧត្តមសេនីយ៍ទោ Pham Hong Chuong បានចូលនិវត្តន៍តាមការកំណត់។

លោករដ្ឋមន្ត្រី Phan Van Giang ថ្លែងក្នុងសន្និសីទ

លោករដ្ឋមន្ត្រី Phan Van Giang ចុះហត្ថលេខាលើកំណត់ហេតុប្រគល់និងទទួលភារកិច្ចរវាងលោកឧត្តមសេនីយ៍ទោ Pham Hong Chuong និងលោកឧត្តមសេនីយ៍ត្រី Tran Van Bac

លោករដ្ឋមន្ត្រី Phan Van Giang បានសង្កត់ធ្ងន់ថា លោកឧត្តមសេនីយ៍ត្រី Tran Van Bac គឺជាកម្មាភិបាលដែលបានបណ្ដុះបណ្ដាល និងបានទទួលមុខតំណែងការងារជាច្រើន និងមានបទពិសោធន៍ជាក់ស្តែងជាច្រើនក្នុងការដឹកនាំស្ថាប័ននិងអង្គភាពនានា។ ការប្រគល់ភារកិច្ចជូនលោកឧត្តមសេនីយ៍ត្រី Tran Van Bac ជំនួសលោកឧត្តមសេនីយ៍ទោ Pham Hong Chuong ចូលនិវត្តន៍ បានបង្ហាញពីក្ដីទុកចិត្តរបស់គណៈកម្មាធិការបក្សយោធាមជ្ឈិម និងថ្នាក់ដឹកនាំក្រសួងការពារប្រទេសចំពោះលោកឧត្តមសេនីយ៍ត្រី Tran Van Bac ផ្ទាល់ និងគណៈអចិន្ត្រៃយ៍នៃគណៈកម្មាធិការបក្ស និងបញ្ជាការយោធភូមិភាគទី២។ អាស្រ័យហេតុនេះ លោករដ្ឋមន្ត្រី Phan Van Giang បានស្នើឲ្យលោកឧត្តមសេនីយ៍ត្រី Tran Van Bac បន្ដលើកកម្ពស់លទ្ធផលដែលកងកម្លាំងប្រដាប់អាវុធនៃយោធភូមិភាគទី ២ សម្រេចបាននារយៈពេលកន្លងមក  ហើយរួមជាមួយគណៈអចិន្ត្រៃយ៍នៃគណៈកម្មាធិការបក្ស និងបញ្ជាការដ្ឋានយោធភូមិភាគ ផ្តោតលើការដឹកនាំ ពិនិត្យឡើងវិញនៃគោលដៅនិងភារកិច្ចនៅសល់ក្នុងឆ្នាំ ២០២៤ និងអាណត្តិ ២០២០-២០២៥ និងដាក់ចេញគោលការណ៍ និងវិធានការទាន់ពេលដើម្បីអនុវត្តប្រកបដោយប្រសិទ្ធភាព និងបំពេញល្អនូវការងារដែលប្រគល់ជូន។

លោករដ្ឋមន្ត្រី Phan Van Giang ជូនផ្កាអបអរសាទរលោកឧត្តមសេនីយ៍ទោ Pham Hong Chuong និងលោកឧត្តមសេនីយ៍ត្រី Tran Van Bac

លោករដ្ឋមន្ត្រី Phan Van Giang បានស្នើឱ្យគណៈអចិន្ត្រៃយ៍នៃគណៈកម្មាធិការបក្ស និងបញ្ជាការដ្ឋានយោធភូមិភាគទី ២ ដឹកនាំស្ថាប័ន និងអង្គភាពសម្របសម្រួលជាមួយស្ថាប័នមានសមត្ថកិច្ចគ្រប់គ្រង និងការពារយ៉ាងរឹងមាំនូវអធិបតេយ្យភាពព្រំដែន ផ្តោតលើការកសាង បង្កើនកម្លាំង  លទ្ធភាពប្រយុទ្ធ និងការត្រៀមខ្លួនប្រយុទ្ធរបស់កងកម្លាំងប្រដាប់អាវុធនៃយោធភូមិភាគ បង្កើនការអប់រំខាងនយោបាយ និងសតិអាម្មណ៍ដល់កម្មាភិបាលនិងយុទ្ធជន; ជំរុញសកម្មភាពអបអរសាទរខួបលើកទី ៨០ នៃការបង្កើតកងទ័ពប្រជាជនវៀតណាម និងខួបលើកទី ៣៥ នៃទិវាការពារជាតិដោយប្រជាជនទាំងមូល៕

បកប្រែដោយ Pham Diep