លោកនាយឧត្តមសេនីយ៍ Nguyen Tan Cuong ចុះពិនិត្យការបង្វឹកបង្ហាត់នៅទីលានបាញ់កាំភ្លើងជាតិតំបន់លេខ៥

បន្ទាប់ពីរយៈពេលនៃការត្រៀមរៀបចំយ៉ាងសកម្ម ក្នុងស្មារតីទទួលខុសត្រូវខ្ពស់របស់គណៈកម្មាធិការបក្ស មេបញ្ជាការ កម្មាភិបាល និងយុទ្ធជននៃស្ថាប័ន អង្គភាពនានា បានបំពេញល្អភារកិច្ចនៅទីលានបាញ់កាំភ្លើងជាតិតំបន់លេខ៥។ ប្រភេទទ័ពការពារដែនអាកាស - ទ័ពជើងអាកាស បានបញ្ជូនកងទ័ពជាច្រើន ប្រើប្រាស់សព្វាវុធទំនើបៗ និងសម្ភារៈបរិក្ខារជាច្រើន រៀបចំការបង្វឹកបង្ហាត់ដោយជោគជ័យតាមផែនការដែលបានកំណត់ ធានាបាននូវសុវត្ថិភាពគ្រប់បែបយ៉ាង។

លោកនាយឧត្តមសេនីយ៍ Nguyen Tan Cuong និងកងកម្លាំងដែលចូលរួមការបង្វឹកបង្ហាត់

ក្នុងឱកាសនេះ លោកនាយឧត្តមសេនីយ៍ Nguyen Tan Cuong បានអះអាងថា ជោគជ័យនៃការបង្វឹកបង្ហាត់នេះ បង្ហាញពីស្មារតីទទួលខុសត្រូវ និងភាពសកម្ម របស់គណៈកម្មាធិការបក្ស មេបញ្ជាការគ្រប់លំដាប់ថ្នាក់ កម្មាភិបាល និងយុទ្ធជននៃស្ថាប័ន និងអង្គភាពនានា។ កងទ័ពបានបង្វឹងបង្ហាត់ និងបំពេញគ្រប់ខ្លឹមសារ និងវិញ្ញាសា តាមរយៈនោះ បញ្ជាក់ពីគុណភាពនៃការបង្វឹកបង្ហាត់នៅអង្គភាព។ លោកនាយឧត្តមសេនីយ៍ Nguyen Tan Cuong បានស្នើឲ្យស្ថាប័ន និងអង្គភាពនានាស្រាវជ្រាវ និងជំនះលើចំណុចខ្វះខាតក្នុងការបំពេញភារកិច្ចហ្វឹកហ្វឺន និងត្រៀមប្រយុទ្ធជាស្រេច យកចិត្តទុកដាក់លើការបណ្តុះបណ្តាលសម្រាប់កម្មាភិបាល និងធានាឲ្យអង្គភាពបំពេញល្អនូវភារកិច្ចដែលត្រូវបានប្រគល់ជូន៕

បកប្រែដោយ Thuy Anh