ជំរុញយន្តការសហប្រតិបត្តិការរវាងវៀតណាម និងអ៊ីតាលី

លោកស្រី Le Thi Thu Hang អនុរដ្ឋមន្ត្រី បានវាយតំលៃខ្ពស់ចំពោះការវិវឌ្ឍជាវិជ្ជមានក្នុងទំនាក់ទំនង វៀតណាម-អ៊ីតាលី  ព្រមទាំងស្នើឲ្យក្រសួងការបរទេសទាំងពីរបន្តសម្របសម្រួលយ៉ាងជិតស្និទ្ធក្នុងតួនាទីសម្របសម្រួល ដើម្បីបង្កើនកិច្ចសហប្រតិបត្តិការយ៉ាងទូលំទូលាយ និងប្រកបដោយប្រសិទ្ធភាព រួមទាំងការរៀបចំការផ្លាស់ប្តូរគណៈប្រតិភូគ្រប់លំដាប់ថ្នាក់ និងជំរុញយន្តការសហប្រតិបត្តិការរវាងប្រទេសទាំងពីរ។ល។

លោកស្រី Le Thi Thu Hang អនុរដ្ឋមន្ត្រីក្រសួងការបរទេសវៀតណាម និងលោកស្រី Maria Tripodi អនុរដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិអ៊ីតាលី (រូបថត៖ ក្រសួងការបរទេស)

ភាគីទាំងពីរបានឯកភាពឆ្លៀតយកឱកាសច្រើនបំផុតពីកិច្ចព្រមព្រៀងពាណិជ្ជកម្មសេរីវៀតណាម-EU (EVFTA) ដោយខិតខំសម្រេចឱ្យបានឆាប់នូវគោលដៅនៃការបង្កើនទំហំពាណិជ្ជកម្មទ្វេភាគីទ្វេរដងក្នុងប៉ុន្មានឆ្នាំខាងមុខ។ល។ លោកស្រី Tripodi អនុរដ្ឋមន្ត្រីបានឯកភាពជាមួយសំណើរបស់វៀតណាមដើម្បីជំរុញឱ្យបណ្តាប្រទេសសហភាពអឺរ៉ុប (EU) ផ្តល់សច្ចាប័នលើកិច្ចព្រមព្រៀងគាំពារការវិនិយោគវៀតណាម-EU EU (EVIPA)  និងបញ្ចុះបញ្ចូលក្រុមប្រឹក្សាអឺរ៉ុបឱ្យដកកាតលឿង IUU សម្រាប់វៀតណាម។

ទិដ្ឋភាពនៃកិច្ចពិភាក្សាការងារ (រូបថត៖ ក្រសួងការបរទេស)

ពិភាក្សាអំពីបញ្ហាអន្តរជាតិ និងតំបន់ រួមទាំងបញ្ហាសមុទ្រខាងកើត ភាគីទាំងពីរបានសង្កត់ធ្ងន់លើតួនាទី និងសារៈសំខាន់នៃច្បាប់អន្តរជាតិ ជាពិសេសអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ (UNCLOS) ឆ្នាំ១៩៨២ ក្នុងការដោះស្រាយជម្លោះដោយសន្តិវិធី រួមចំណែករក្សាសន្តិភាព ស្ថិរភាព សន្តិសុខ សុវត្ថិភាព សេរីភាពអាកាសចរណ៍ និងនាវាចរណ៍ក្នុងតំបន់៕

បកប្រែដោយ Huyen Trang