លោក Luong Tam Quang រដ្ឋមន្ត្រី ជួបសំណេះសំណាលជាមួយគណៈទាក់ទងអតីតអ្នកជំនាញក្រសួងនគរបាលវៀតណាមដែលជួយកម្ពុជា

ទិដ្ឋភាពនៃជំនួបសំណេះសំណាល

កាលពីជាង ៤៦ ឆ្នាំមុន ដោយមានការជួយគាំទ្រពីកម្លាំងស្ម័គ្រចិត្តវៀតណាម កងកម្លាំងបដិវត្តន៍កម្ពុជាបានផ្ដួលរំលំរបបខ្មែរក្រហម រំដោះប្រទេសរួចផុតពីរបបប្រល័យពូជសាសន៍។ ជ័យជម្នះនោះមិនត្រឹមតែសម្រាប់ប្រជាជនកម្ពុជាប៉ុណ្ណោះទេ ថែមទាំងជាព្រឹត្តិការណ៍ដ៏សំខាន់មួយក្នុងចំណងសាមគ្គីភាពអន្តរជាតិដ៏ស្មោះត្រង់ ជាពិសេសចំណងមិត្តភាពរវាងវៀតណាម និងកម្ពុជា ក្នុងនោះដែលមានការរួមចំណែកពីកងកម្លាំងនគរបាលប្រជាជន​វៀត​ណាម។

អ្នកជំនាញនិងកម្មាភិបាលនៃកងកម្លាំងនគរបាលវៀតណាមជិត ៤០០០ នាក់ បានមកជួយកម្ពុជាចាប់យកស្ថានការណ៍ ប្រយុទ្ធប្រឆាំងនឹងកម្លាំងអរិភាព កសាងកងកម្លាំងនគរបាល រួមចំណែកក្នុងការស្តារ និងអភិវឌ្ឍន៍ប្រទេសកម្ពុជាឡើងវិញ។  ក្នុងរយៈពេល១០ឆ្នាំ នៃការបំពេញកាតព្វកិច្ចអន្តរជាតិ កម្មាភិបាល ១២ នាក់ នៃក្រុម K79 បានពលីជីវិតនៅលើទឹកដីកម្ពុជា។

លោកវរសេនីយ៍ឯក Trinh Hong Doan ប្រធានគណៈទាក់ទងនៃក្រុម K79 មានប្រសាសន៍ក្នុងជំនួប

ក្នុងនាមគណៈកម្មាធិការបក្សនគរបាលមជ្ឈិម និងក្រសួងនគរបាល លោកនាយឧត្តមសេនីយ៍ Luong Tam Quang បានថ្លែងអំណរគុណនិងសួរសុខទុក្ខដល់អតីតអ្នកជំនាញទាំងអស់នៃក្រសួងនគរបាល។ 

លោករដ្ឋមន្ត្រីបានគូសបញ្ជាក់ថា គណៈកម្មាធិការបក្សនគរបាលមជ្ឈិម  ក្រសួងនគរបាលចងចាំជានិច្ចនូវការរួមវិភាគទាន និងការលះបង់ដ៏ធំធេងរបស់អតីតអ្នកជំនាញគ្រប់ជំនាន់  នេះជាទ្រព្យសម្បត្តិមិនអាចកាត់ថ្លៃបាន និងជាសក្ខីភាពរស់រវើកចំពោះចំណងមិត្តភាពរវាងវៀតណាម និងកម្ពុជា។

លោកនាយឧត្តមសេនីយ៍ Luong Tam Quang និងប្រតិភូទាំងឡាយ

លោកនាយឧត្តមសេនីយ៍ Luong Tam Quang សង្ឃឹមថា អតីតអ្នកជំនាញនឹងបន្តចូលរួមចំណែកកសាងកម្លាំងនគរបាលប្រជាជនមានរបៀបរៀបរយ ចំណាន និងទំនើប។ ទន្ទឹមនឹងនោះចូលរួមយ៉ាងសកម្មក្នុងចលនាប្រជាជនទាំងមូលការពារសន្តិសុខជាតិ និងរួមចំណែកពូនជ្រំទំនាក់ទំនងមិត្តភាពវៀត​ណាម-កម្ពុជា៕

បកប្រែដោយ Thanh Cong