ថ្នាក់ដឹកនាំវៀតណាមបានផ្ញើសារលិខិតជូនពរឆ្នាំថ្មីនៃប្រទេសឡាវនិងកម្ពុជា
កប.អនឡាញ -ក្នុងឱកាសចូលឆ្នាំថ្មី Bun Pi May នៃសាធារណរដ្ឋប្រជាធិបតេយ្យប្រជាមានិតឡាវ និងបុណ្យចូលឆ្នាំថ្មីនៃព្រះរាជាណាចក្រកម្ពុជា លោកស្រី Vo Thi Anh Xuan ប្រធានរដ្ឋស្តីទីវៀតណាម បានផ្ញើសារលិខិតនិង ផ្កា អបអរសាទរព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងលោកស្រី Pany Yathotou អនុប្រធានរដ្ឋឡាវ និងលោក Bounthong Chitmany អនុប្រធានរដ្ឋឡាវ។
លោក Pham Minh Chinh នាយករដ្ឋមន្រ្តីវៀតណាម បានផ្ញើសារលិខិត និងផ្កាអបអរសាទរជូនចំពោះលោក Sonexay Siphandone នាយករដ្ឋមន្រ្តីឡាវ និងសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ។
លោក Vuong Dinh Hue ប្រធានរដ្ឋសភាវៀតណាម បានផ្ញើសារលិខិត និងផ្កាអបអរសាទរជូនចំពោះលោក Saysomphone Phomvihane ប្រធានរដ្ឋសភាឡាវ និងសម្តេចតេជោ ហ៊ុន សែន ប្រធានព្រឹទ្ធសភាកម្ពុជា និងសម្តេចរដ្ឋសភាធិការធិបតី ឃួន សុដារី ប្រធានរដ្ឋសភាកម្ពុជា។
ក្នុងសារលិខិតផ្ញើជូនថ្នាក់ដឹកនាំឡាវ ថ្នាក់ដឹកនាំវៀតណាមបានអបអរសាទរនិងចែករំលែកនូវមោទនភាពចំពោះសមិទ្ធិផលដ៏ធំធេងដែលបក្ស រដ្ឋ និងប្រជាជនឡាវសម្រេចបានក្នុងរយៈពេលកន្លងមក ទន្ទឹមនឹងនោះ សម្តែងនូវសេចក្តីរីករាយចំពោះការបោះជំហានដ៏សំខាន់ និងទូលំទូលាយក្នុងកិច្ចសហប្រតិបត្តិការរវាងប្រទេសទាំងពីរ រួមចំណែកក្នុងការពង្រឹង និងពង្រីកឥតឈប់ឈរនូវទំនាក់ទំនងមិត្តភាព សាមគ្គីភាពពិសេស និងកិច្ចសហប្រតិបត្តិការគ្រប់ជ្រុងជ្រោយរវាងបក្សទាំងពីរ រដ្ឋទាំងពីរ និងប្រជាជាតិទាំងពីរវៀតណាម -ឡាវ។
ថ្នាក់ដឹកនាំវៀតណាមបានសម្តែងនូវការជឿជាក់យ៉ាងមុតមាំថា ក្រោមការដឹកនាំដ៏ឈ្លាសវៃរបស់បក្សប្រជាជនបដិវត្តន៍ឡាវ ការដឹកនាំរបស់រដ្ឋ និងសមាគ្គីភាពរបស់ប្រជាជនឡាវ ប្រទេសឡាវនឹងជម្នះរាល់ការលំបាក អនុវត្តដោយជោគជ័យនូវសេចក្តីសម្រេចចិត្តនៃមហាសន្និបាតលើកទី ១១នៃ បក្សប្រជាជនបដិវត្តន៍ឡាវ ផែនការអភិវឌ្ឍន៍សេដ្ឋកិច្ចសង្គមជាតិរយៈពេលប្រាំឆ្នាំលើកទី៩ ទទួលបានជ័យជំនះថ្មីៗថែមទៀតក្នុងបុព្វហេតុការពារ និងអភិវឌ្ឍន៍ប្រទេសជាតិ និងប្រទេសឡាវនឹងកាន់តែរីកចម្រើន វិបុលភាពនិងសុភមង្គល ជាពិសេសជឿជាក់ថា ឡាវនឹងទទួលជោគជ័យក្នុងតួនាទីជាប្រធានអាស៊ានឆ្នាំ២០២៤ ប្រធាន AIPA 45 និងតួនាទីរបស់ឡាវនឹងបន្តកើនឡើងក្នុងតំបន់ និងអន្តរជាតិ។
|
|
នៅកណ្តាលរាជធានីភ្នំពេញត្រូវបានតុបតែងលម្អដើម្បីត្រៀមរៀបចំពិធីបុណ្យចូលឆ្នាំថ្មីប្រពៃណីជាតិរបស់ប្រជាជនកម្ពុជា |
ក្នុងសារលិខិតផ្ញើជូនថ្នាក់ដឹកនាំនៃព្រះរាជាណាចក្រកម្ពុជា ថ្នាក់ដឹកនាំវៀតណាមបានអបអរសាទរចំពោះសមិទ្ធិផលដ៏ធំធេងដែលប្រទេស និងប្រជាជនកម្ពុជាសម្រេចបានក្នុងប៉ុន្មានឆ្នាំកន្លងមក ហើយជឿជាក់យ៉ាងមុតមាំថា ក្រោមព្រះរាជកិច្ចដឹកនាំដ៏ឈ្លាសវៃរបស់របស់ព្រះករុណា ព្រះបាទសម្តេច ព្រះបរមនាថ នរោត្តម សីហមុនី រាជរដ្ឋាភិបាល ព្រឹទ្ធសភា និងរដ្ឋសភាកម្ពុជា ប្រទេសនិងប្រជាជនកម្ពុជានឹងបន្តមានសន្តិភាព ស្ថិរភាព និងវិបុលភាព។ សូមជូនពរប្រទេសនិងប្រជាជនកម្ពុជាទទួលអំណរបុណ្យចូលឆ្នាំថ្មីប្រពៃណីជាតិ ២០២៤ ប្រកបដោយសេចក្តីសុខ សន្តិភាព និងសម្រេចបាននូវលទ្ធផលដ៏ត្រចះត្រចង់បន្ថែមទៀតនាពេលខាងមុខនេះ។
ថ្នាក់ដឹកនាំវៀតណាមបានជូនពរឱ្យទំនាក់ទំនងអ្នកជិតខាងល្អ មិត្តភាពជាប្រពៃណី កិច្ចសហប្រតិបត្តិការគ្រប់ជ្រុងជ្រោយ និងស្ថិតស្ថេរយូរអង្វែងរវាងវៀតណាម និងកម្ពុជា បន្តពង្រឹងនិងពង្រីក ដើម្បីផលប្រយោជន៍របស់ប្រជាជននៃប្រទេសទាំងពីរនិងដើម្បីសហគមន៍អាស៊ានប្រកបដោយសន្តិភាព អភិវឌ្ឍន៍ និងវិបុលភាព៕
បកប្រែដោយ Pham Diep