កិច្ចប្រជុំបូកសរុបបឋមលទ្ធផលការងារសម្របសម្រួលផ្សព្វផ្សាយច្បាប់និងការរុករក និងប្រមូលអដ្ឋិធាតុយុទ្ធជនពលី

លោកឧត្តមសេនីយ៍ឯក Vo Minh Luong អនុរដ្ឋមន្ត្រីក្រសួងការពារប្រទេស និងលោកឧត្តមសេនីយ៍ឯក Be Xuan Truong ប្រធានសមាគមអតីតយុទ្ធជនវៀតណាមបានអញ្ជើញជាអធិបតីក្នុងកិច្ចប្រជុំ។ 

លោកឧត្តមសេនីយ៍ឯក Be Xuan Truong ប្រធានសមាគមអតីតយុទ្ធជនវៀតណាមថ្លែងក្នុងកិច្ចប្រជុំ

ថ្លែងក្នុងកិច្ចប្រជុំ លោកឧត្តមសេនីយ៍ឯក Be Xuan Truong បានសង្កត់ធ្ងន់ថា៖ នាពេលកន្លងមក ការងារផ្សព្វផ្សាយនិងអប់រំច្បាប់អនុលោមតាម​បទប្បញ្ញត្តិលេខ ២៧៦៧ និងអនុវត្តគម្រោង ១៣៧១ គឺជាកិច្ចការនយោបាយដ៏សំខាន់មួយរបស់សមាគម ហើយបានអនុវត្តយ៉ាងទូលំទូលាយ និងមានប្រសិទ្ធភាពខ្ពស់។

លោកឧត្តមសេនីយ៍ឯក Vo Minh Luong​​ ថ្លែងក្នុងកិច្ចប្រជុំ

ថ្លែងក្នុងកិច្ចប្រជុំ លោកឧត្តមសេនីយ៍ឯក Vo Minh Luong បានវាយតម្លៃខ្ពស់ចំពោះការសម្របសម្រួលរវាងក្រសួងការពារប្រទេស និងសមាគមអតីតយុទ្ធជនវៀតណាមក្នុងការងារផ្សព្វផ្សាយ និងអប់រំច្បាប់ និងសម្របសម្រួលក្នុងការរុករក ប្រមូល និងកំណត់អត្តសញ្ញាណអដ្ឋិធាតុយុទ្ធជនពលី។   លោកឧត្តមសេនីយ៍ឯក Vo Minh Luong បានសង្កត់ធ្ងន់ថា៖ នាពេលខាងមុខ ស្ថាប័ន និងអង្គភាពនានានៃក្រសួងការពារប្រទេសនឹងសហការយ៉ាងជិតស្និទ្ធជាមួយស្ថាប័នមានសមត្ថកិច្ចនៃសមាគមអតីតយុទ្ធជនវៀតណាមក្នុងការផ្តល់ព័ត៌មាន និងពិគ្រោះយោបល់ផ្នែកច្បាប់ និងចលនាប្រជាជនអនុវត្តល្អគោលនយោបាយនិងច្បាប់របស់រដ្ឋ; ចលនាសមាគមអតីតយុទ្ធជនគ្រប់លំដាប់ថ្នាក់ និងសមាជិកចូលរួមផ្តល់ព័ត៌មានអំពីយុទ្ធជនពលី ផ្នូរយុទ្ធជនពលី និងកំណត់អត្តសញ្ញាណអដ្ឋិធាតុយុទ្ធជនពលីនៅខ្វះព័ត៌មាន...

បកប្រែដោយ Pham Diep