ខេត្ត Long An (វៀតណាម) និងខេត្តបាត់ដំបង៖ ពង្រឹងការសម្របសម្រួលក្នុងការស្វែងរក ប្រមូលអដ្ឋិធាតុយុទ្ធជនពលី

ទិដ្ឋភាពនៃជំនួប

អនុវត្តកិច្ចព្រមព្រៀងរបស់រដ្ឋាភិបាលទាំងពីរស្តីពីការស្វែងរក ប្រមូលអដ្ឋិធាតុយុទ្ធជនវៀតណាម ដែលពលីជីវិតក្នុងសម័យសង្រ្គាមនៅកម្ពុជា។ នៅខេត្តបាត់ដំបង ចាប់ពីឆ្នាំ ២០១៨ ដល់បច្ចុប្បន្ន ក្រុម K73 បញ្ជាការដ្ឋានយោធាខេត្ដ Long An ជីករុករក អដ្ឋិធាតុយុទ្ធជនពលីបានចំនួន ២៥៧ អដ្ឋិធាតុ។ ហើយលទ្ធផលខាងលើនេះសម្រេចបានដោយសារមានការជួយគាំទ្រអស់ពីចិត្តពីសំណាក់អាជ្ញាធរ និងប្រជាជនខេត្តបាត់ដំបងក្នុងការងារឃោសនា ការផ្តល់ព័ត៌មានត្រឹមត្រូវអំពីទីកន្លែងបញ្ចុះសពយុទ្ធជនវៀតណាម។

គណៈប្រតិភូនៃគណៈកម្មាធិការដឹកនាំលេខ៥១៥ ខេត្ដ Long An ធ្វើការជាមួយថ្នាក់ដឹកនាំខេត្តបាត់ដំបង

លោក ធួង ភា អភិបាលរងខេត្តបាត់ដំបង

លោក ធួង ភា អភិបាលរងខេត្តបាត់ដំបង បានបញ្ជាក់ថា ការដែលកងទ័ពវៀតណាមបានជួយប្រជាជនកម្ពុជាឱ្យរួចផុតពីអំពើប្រល័យពូជសាសន៍ នឹងដក់ជាប់ក្នុងដួងចិត្តប្រជាពលរដ្ឋខេត្តបាត់ដំបងជានិច្ច។ ដូច្នេះការស្វែងរក ប្រមូល និងធ្វើមាតុភូមិនិវត្ដន៍អដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាម ដែលបានពលីជីវិតនៅខេត្តបាត់ដំបង គឺជាទំនួលខុសត្រូវ និងជាកាតព្វកិច្ចរបស់ខេត្ដ ដើម្បីសំដែងការដឹងគុណចំពោះបក្ស រដ្ឋ និងប្រជាជន​វៀត​ណាម។ តាមនោះ ខេត្តបាត់ដំបងនឹងបន្តពង្រឹងការសម្របសម្រួលយ៉ាងជិតស្និទ្ធជាមួយខេត្ត Long An ក្នុងការស្វែងរក និងប្រមូលអដ្ឋិធាតុរបស់យុទ្ធជន​វៀតណាម។

ប្រតិភូទាំងឡាយថតរូបជាអនុស្សាវរីយ៍ (រូបថត៖ baoquankhu7.vn)

តាងនាមអាជ្ញាធរ និងប្រជាជនខេត្ត Long An លោក Pham Tan Hoa អនុប្រធានគណៈកម្មាធិការប្រជាជនខេត្ត បានថ្លែងអំណរគុណយ៉ាងជ្រាលជ្រៅចំពោះអាជ្ញាធរ ស្ថាប័នពាក់ព័ន្ធ និងប្រជាជនខេត្តបាត់ដំបង ដែលបានជួយគាំទ្រ និងបង្កើតលក្ខខណ្ឌល្អបំផុតក្នុងការផ្តល់ព័ត៌មាន និងរៀបចំលក្ខខណ្ឌការងារសម្រាប់កងកម្លាំងជំនាញខេត្ត Long An ក្នុងដំណើរការអនុវត្តភារកិច្ចរបស់ខ្លួន។ ជាពិសេស លោក ធួក ភា អភិបាលរងខេត្ត និងជាប្រធានគណៈកម្មាធិការជំនាញ បានយកចិត្តទុកដាក់ និងដឹកនាំផ្ទាល់ដល់បណ្ដាកម្លាំងចូលរួមសម្របសម្រួល និងជួយក្រុម K73 សម្រេចបានល្អនូវភារកិច្ចនាពេលកន្លងមក។ ទន្ទឹមនឹងនោះ លោកបានសម្តែងនូវគោលបំណងចង់ឲ្យទំនាក់ទំនងមិត្តភាពជាប្រពៃណី និងកិច្ចសហប្រតិបត្តិការគ្រប់ជ្រុងជ្រោយរវាងវៀតណាម និងកម្ពុជា និយាយរួម និងខេត្ត Long An និងខេត្តបាត់ដំបង និយាយដោយឡែក ឲ្យកាន់តែអភិវឌ្ឍប្រកបដោយចីរភាព។

ក្នុងឱកាសបុណ្យចូលឆ្នាំថ្មីប្រពៃណីជាតិកម្ពុជា គណៈកម្មាធិការដឹកនាំលេខ ៥១៥ ខេត្ត Long An បានប្រគល់អំណោយជូនពរដល់ខេត្តបាត់ដំបង ព្រះរាជាណាចក្រកម្ពុជា៕

បកប្រែដោយ Thanh Cong