ក្រុម K73 ប្រមូលអដ្ឋិធាតុយុទ្ធជនពលីចំនួន ១១ អដ្ឋិធាតុនៅកម្ពុជា

ដំណើរការរុករកអដ្ឋិធាតុយុទ្ធជនពលីរបស់ក្រុម K73 នៅខេត្តបាត់ដំបងបានអនុវត្តក្នុងស្ថានភាពលំបាកខ្លាំង។ ភូមិសាស្រ្តព្រៃភ្នំស្មុគស្មាញ អាកាសធាតុមិនអំណោយផល ធ្វើឱ្យការងាររុករកជួបប្រទះនឹងឧបសគ្គជាច្រើន។ ទោះជាយ៉ាងណាក៏ដោយ ដោយមានឆន្ទៈមុតមាំ និងស្មារតីទទួលខុសត្រូវខ្ពស់ កម្មាភិបាល និងយុទ្ធជននៃក្រុម K73 បានតស៊ូ ខិតខំប្រឹងប្រែង បំពេញល្អភារកិច្ចដែលបានប្រគល់ជូន។

ក្រុម K73 ប្រមូលអដ្ឋិធាតុយុទ្ធជនពលីនៅឃុំត្រែង ស្រុករតនមណ្ឌល ខេត្តបាត់ដំបង

ក្នុងអំឡុងពេលបំពេញបេសកកម្ម អង្គភាពទទួលបានការគាំទ្រយ៉ាងខ្លាំងពីអាជ្ញាធរកម្ពុជា កងកម្លាំងប្រដាប់អាវុធ និងប្រជាជនក្នុងតំបន់។ សាក្សីវ័យចំណាស់ជាច្រើនបានផ្តល់ព័ត៌មានដ៏មានតម្លៃអំពីសមរភូមិចាស់ និងកន្លែងបញ្ចុះសពកងទ័ពស្ម័គ្រចិត្តវៀតណាម។ ដោយផ្អែកលើព័ត៌មាននេះ ក្រុម K73 បានរៀបចំការស្រាវជ្រាវ កំណត់ទីតាំង និងដាក់ពង្រាយការរុករកនៅក្នុងតំបន់នីមួយៗយ៉ាងហ្មត់ចត់។

អដ្ឋិធាតុនីមួយៗដែលប្រមូលបានគឺជាសក្ខីភាពនៃការខិតខំប្រឹងប្រែងឥតឈប់ឈររបស់កម្មាភិបាល យុទ្ធជននៃក្រុម K73។ រហូតមកដល់ពេលនេះ អដ្ឋិធាតុយុទ្ធជនពលីចំនួន ១១ អដ្ឋិធាតុត្រូវបានក្រុម K73 នាំយកមករក្សាទុកនៅក្នុងបរិវេណអង្គភាពឈរជើង ធានាភាពឧឡារិក អនុវត្តយ៉ាងពេញលេញនូវការថែរក្សា និងរក្សាទុកឯកសារតាមបទប្បញ្ញត្តិ។

ដំណើរធ្វើមាតុភូមិនិវត្តន៍យុទ្ធជនពលីនៅតែត្រូវបានក្រុម K73 អនុវត្តដោយមានការទទួលខុសត្រូវខ្ពស់ រួមចំណែកដល់ការថែរក្សា និងលើកកម្ពស់ប្រពៃណីសីលធម៌ដ៏ល្អរបស់ប្រជាជនវៀតណាម៕

បកប្រែដោយ Duy Hoan