ប្រណាំងប្រជែងនឹងពេលវេលាដើម្បីស្វែងរកជនរងគ្រោះ

ក្រុមបេសកកម្មបានរៀបចំក្រុមស្វែងរកចំនួនពីរ និងក្រុមសម្របសម្រួលមួយ ឲ្យ​សម្របសម្រួលជាមួយកងកម្លាំងជួយសង្គ្រោះមីយ៉ាន់ម៉ា និងអារ៉ាប់រួម (UAE) ដើម្បីធ្វើការងារជួយសង្គ្រោះនៅតំបន់ចំនួនពីរនៅក្នុងមន្ទីរពេទ្យ Ottara Thiri។ ទោះបីជាអាកាសធាតុក្តៅ និងពិបាកទៅដល់កន្លែងជនរងគ្រោះដែលកប់ក្រោមគំនរបែកបាក់ក៏ដោយ ក៏ក្រុមជួយសង្គ្រោះបានសម្របសម្រួលយ៉ាងមានប្រសិទ្ធភាព ធ្វើការដោយមិនចេះនឿយហត់ យកបានសាកសពបានចំនួន ៣ ចេញពីគំនរបែកបាក។

ឆ្កែជំនាញ​បន្តទៅកន្លែងកើតហេតុ ដើម្បីស្វែងរកទីតាំងជនរងដែល​ជាប់គាំងក្រោម​គំនរបែកបាក់

នាថ្ងៃដដែល ក្រុមបេសសកម្មនៃកងទ័ពប្រជាជនវៀតណាមបានជួបពិភាក្សាការងារជាមួយក្រសួងសន្តិសុខសង្គម កាត់បន្ថយ និងស្តាមីយ៉ាន់ម៉ា និងនាយកដ្ឋានពន្លត់អគ្គីភ័យ ជួយសង្គ្រោះ (ក្រសួងមហាផ្ទៃមីយ៉ាន់ម៉ា)។ ភាគីមិត្តវាយតម្លៃខ្ពស់ចំពោះលទ្ធផលស្វែងរក ក៏ដូចជាសមត្ថភាព ស្មារតីទទួលខុសត្រូវ ធ្វើការតាំងពីព្រលឹមរហូតដល់យប់ របស់ក្រុមបេសកកម្មវៀតណាម ជាពិសេសនៅក្នុងកន្លែងលំបាក ស្មុគស្មាញ និងគ្រោះថ្នាក់។

ក្រុមគ្រូពេទ្យបានពិនិត្យ និងផ្តល់ថ្នាំដល់ប្រជាពលរដ្ឋក្នុងមូលដ្ឋាន

នាថ្ងៃដដែល ក្រុមបេសកកម្មវៀតណាមបានពង្រាយក្រុមគ្រូពេទ្យយោធាមកបោះតង់នៅមន្ទីរពេទ្យឯកជន Ottara Thiri ដើម្បីពិនិត្យ និងផ្តល់ថ្នាំដោយឥតគិតថ្លៃជូន​ប្រជាពលរដ្ឋក្នុងមូលដ្ឋានចំនួន៤០នាក់។ ក្នុងពេលជាមួយគ្នានេះដែរ ក្រុមមួយត្រូវបានបញ្ជូនទៅក្តាប់ស្ថានភាព និងស្វែងរកកន្លែងដែលត្រូវការការងារជួយសង្គ្រោះក្នុងរដ្ឋធានី Naypyidaw។

ក្រុមបេសកកម្មនៃកងទ័ពប្រជាជនវៀតណាមចូលរួមជម្នះផលវិបាកនៃគ្រោះរញ្ជួយដីនៅប្រទេសមីយ៉ាន់ម៉ា ក៏បានផ្តល់ថវិកាចំនួន ៥០០០ ដុល្លារអាមេរិក ដើម្បីជួយគាំទ្រដល់ប្រជាជននៃប្រទេសមិត្តផងដែរ។

បកប្រែដោយ Duy Hoan