ក្រសួងការពារប្រទេសវៀតណាម ជូនពរឆ្នាំថ្មីប្រពៃណីជាតិ Bunpimay របស់ឡាវ

លោកឧត្តមសេនីយ៍ឯក Hoang Xuan Chien បានជូនពរដល់កម្មាភិបាល និងបុគ្គលិកទាំងអស់នៃស្ថានទូតឡាវ ក្នុងឱកាសបុណ្យចូលឆ្នាំថ្មីប្រពៃណីជាតិ Bunpimay។ លោកឧត្តមសេនីយ៍ឯក Hoang Xuan Chien បានសង្កត់ធ្ងន់ថា ទំនាក់ទំនងមិត្តភាពដ៏មហិមា សាមគ្គីភាពពិសេស និងកិច្ចសហប្រតិបត្តិការគ្រប់ជ្រុងជ្រោយ វៀតណាម-ឡាវ កំពុងអភិវឌ្ឍដ៏ល្អដោយឥតឈប់ឈរ។ ក្នុងរយៈពេលកន្លងមក ក្រសួងការពារប្រទេសវៀតណាមបានសម្របសម្រួលយ៉ាងជិតស្និទ្ធជាមួយក្រសួងការពារជាតិឡាវ ដើម្បីជំរុញកិច្ចសហប្រតិបត្តិការការពារជាតិប្រកបដោយប្រសិទ្ធភាព ដោយអះអាងនូវតួនាទីជាសសរស្តម្ភដ៏សំខាន់មួយនៃទំនាក់ទំនងវៀតណាម-ឡាវ។ លោកឧត្តមសេនីយ៍ឯក Hoang Xuan Chien បានសម្តែងនូវក្តីសង្ឃឹមថា លោកស្រី Khamphao Ernthavanh ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាធិបតេយ្យប្រជាមានិតឡាវប្រចាំនៅវៀតណាម នឹងបន្តគាំទ្រ និងរួមចំណែកជាវិជ្ជមានក្នុងការអភិវឌ្ឍទំនាក់ទំនង វៀតណាម-ឡាវ និយាយរួម និងកិច្ចសហប្រតិបត្តិការលើវិស័យការពារជាតិទ្វេភាគីនិយាយដោយឡែក។

គណៈប្រតិភូក្រសួងការពារប្រទេសវៀតណាម ជូនពរឆ្នាំថ្មីប្រពៃណីជាតិ Bunpimay របស់ឡាវ

រីឯលោកស្រីឯកអគ្គរដ្ឋទូត Khamphao Ernthavanh បានថ្លែងអំណរគុណចំពោះគណៈប្រតិភូក្រសួងការពារប្រទេសវៀតណាម ដែលបានមកចូលរួមអបអរសាទរជាមួយស្ថានទូតក្នុងឱកាសបុណ្យចូលឆ្នាំថ្មីប្រពៃណីជាតិ Bunpimay។ លោកស្រីឯកអគ្គរដ្ឋទូត Khamphao Ernthavanh បានអះអាងថា ទំនាក់ទំនង ឡាវ-វៀតណាម គឺជាទំនាក់ទំនងពិសេស គំរូ និងកម្រមាននៅលើពិភពលោក។ លោកស្រីបានវាយតម្លៃខ្ពស់ចំពោះកិច្ចសហប្រតិបត្តិការយ៉ាងជិតស្និទ្ធ ដ៏មានអត្ថន័យរវាងក្រសួងការពារជាតិនៃប្រទេសទាំងពីរក្នុងរយៈពេលកន្លងមក ដែលរួមចំណែកយ៉ាងសំខាន់ក្នុងការរឹតបន្តឹងទំនាក់ទំនងឡាវ-វៀតណាម។ ក្នុងឱកាសនេះ លោកស្រីឯកអគ្គរដ្ឋទូត Khamphao Ernthavanh បានថ្លែងអំណរគុណយ៉ាងស្មោះស្ម័គ្រចំពោះថ្នាក់ដឹកនាំក្រសួងការពារប្រទេសវៀតណាម ដែលតែងតែគាំទ្រ និងបង្កើតលក្ខខណ្ឌអំណោយផលសម្រាប់កម្មាភិបាល និងបុគ្គលិកនៃស្ថានទូតឡាវប្រចាំនៅវៀតណាម បំពេញភារកិច្ចឲ្យបានល្អ៕

បកប្រែដោយ Huyen Trang