នៅក្នុងកិច្ចពិភាក្សាការងារ លោកឧត្តមសេនីយ៍ឯក Hoang Xuan Chien បានវាយតម្លៃថា ក្នុងរយៈពេលកន្លងមក កិច្ចសហប្រតិបត្តិការលើវិស័យការពារជាតិរវាងវៀតណាម ជាមួយចិន ឡាវ និងកម្ពុជា ត្រូវបានជំរុញដោយឥតឈប់ឈរលើវិស័យជាច្រើន ជាពិសេសការផ្លាស់ប្តូរគណៈប្រតិភូ ការបណ្តុះបណ្តាល កិច្ចសហប្រតិបត្តិការរវាងប្រភេទទ័ព អង្គទ័ពនានា និងការជួបប្រាស្រ័យមិត្តភាពការពារជាតិព្រំដែន។

leftcenterrightdel
ទិដ្ឋភាពនៃកិច្ចពិភាក្សាការងារ

យោងតាមលោកឧត្តមសេនីយ៍ឯក Hoang Xuan Chien វៀតណាមកំពុងត្រៀមរៀបចំពិធីរំលឹកខួបលើកទី ៥០ នៃទិវារំដោះភាគខាងត្បូង និងបង្រួបបង្រួមជាតិ (ថ្ងៃទី ៣០ ខែមេសា ឆ្នាំ១៩៧៥/ថ្ងៃទី៣០ ខែមេសា ឆ្នាំ២០២៥)។ នេះគឺជាព្រឹត្តិការណ៍នយោបាយដ៏សំខាន់មួយសម្រាប់វៀតណាម ហើយក៏ជាក្តីរីករាយរួមសម្រាប់មិត្តអន្តរជាតិដែលបានផ្តល់ជំនួយដោយស្មោះ និងអស់ពីចិត្តចំពោះបដិវត្តន៍វៀតណាម។ វៀតណាមចងចាំជានិច្ចនូវជំនួយដ៏មានតម្លៃនោះ ជាពិសេសពីប្រទេសចិន ឡាវ និងកម្ពុជា។

លោកឧត្តមសេនីយ៍ឯក Hoang Xuan Chien បានឱ្យដឹងថា នាពេលឆាប់ៗនេះ ក្រសួងការពារប្រទេសវៀតណាមនឹងផ្ញើលិខិតផ្លូវការអញ្ជើញថ្នាក់ដឹកនាំក្រសួងការពារជាតិចិន ឡាវ និងកម្ពុជា ចូលរួមការរំលឹកខួបលើកទី ៥០ នៃទិវារំដោះភាគខាងត្បូង និងបង្រួបបង្រួមជាតិ ព្រមទាំងអញ្ជើញក្រសួងការពារជាតិទាំងបីចាត់បញ្ជូនផែនយោធារបស់ខ្លួនទៅចូលរួមពិធីដង្ហែរក្បួនព្យុហយាត្រាក្នុងឱកាសនេះ។

leftcenterrightdel
លោកឧត្តមសេនីយ៍ឯក Hoang Xuan Chien ជាមួយអនុព័ន្ធយោធាចិន ឡាវ និងកម្ពុជាប្រចាំនៅវៀតណាម

លោកឧត្តមសេនីយ៍ឯក Hoang Xuan Chien បានសង្កត់ធ្ងន់ថា ក្រសួងការពារប្រទេសវៀតណាមជឿជាក់ថា ការចូលរួមរបស់ក្រសួងការពារជាតិនៃប្រទេសទាំងបីនឹងរួមចំណែកយ៉ាងសំខាន់ដល់ជោគជ័យរួមនៃពិធីខួបអនុស្សាវរីយ៍ ក៏ដូចជាបង្ហាញពីចំណងសាមគ្គីភាព មិត្តភាពរវាងវៀតណាម និងប្រទេសជិតខាងទាំងបី។

អនុព័ន្ធយោធានៃប្រទេសចិន ឡាវ និងកម្ពុជា បានសង្កត់ធ្ងន់លើសារៈសំខាន់នៃពិធីរំលឹកខួបលើកទី ៥០ នៃការរំដោះភាគខាងត្បូង និងបង្រួបបង្រួមជាតិរបស់វៀតណាម។ ទន្ទឹមនឹងនោះ អនុព័ន្ធយោធានៃប្រទេសទាំង ៣ បានបញ្ជាក់ថា នឹងរាយការណ៍មកប្រទេសវិញភ្លាមៗ និងពិគ្រោះយោបល់ជាមួយស្ថាប័នមានសមត្ថកិច្ចក្នុងស្រុក ដើម្បីផ្សព្វផ្សាយខ្លឹមសារដែលលោកឧត្តមសេនីយ៍ឯក Hoang Xuan Chien បានលើកឡើង៕

បកប្រែដោយ Huyen Trang