លោកឧត្តមសេនីយ៍ឯក Hoang Xuan Chien ជួបពិភាក្សាការងារជាមួយស្ថាប័ន MIA នៃក្រសួងការពារជាតិ

លោកឧត្តមសេនីយ៍ឯក Hoang Xuan Chien ថ្លែងក្នុងជំនួបពិភាក្សាការងារ

ក្នុងជំនួបពិភាក្សាការងារនេះ ប្រតិភូទាំងឡាយបានស្តាប់ថ្នាក់ដឹកនាំ  MIA នៃក្រសួងការពារប្រទេស រាយការណ៍អំពីលទ្ធផលនៃសកម្មភាព ស្វែងរកទាហានអាមេរិកបាត់ខ្លួនក្នុងសម័យសង្គ្រាមនៅវៀតណាម។ ក្នុងប៉ុន្មានឆ្នាំថ្មីៗនេះ ដោយមានការយកចិត្តទុកដាក់របស់បក្ស រដ្ឋ គណៈកម្មាធិការបក្សយោធាមជ្ឈិម ស្ថាប័នពាក់ព័ន្ធ អាជ្ញាធរមូលដ្ឋាន និងប្រជាជន នោះ សកម្មភាពសហប្រតិបត្តិការក្នុងការស្វែងរកទាហានអាមេរិកបាត់ខ្លួនក្នុងសម័យសង្គ្រាមរវាងវៀតណាម និងអាមេរិក ទទួលបានលទ្ធផលគួរឲ្យលើកទឹកចិត្ត រួមចំណែកយ៉ាងសកម្មក្នុងការជំរុញទំនាក់ទំនងភាពជាដៃគូយុទ្ធសាស្ត្រលើគ្រប់ជ្រុងជ្រោយរវាងប្រទេសទាំងពីរ។

សកម្មភាពសហប្រតិបត្តិការក្នុងការស្វែងរកទាហានអាមេរិកបាត់ខ្លួនក្នុងសម័យសង្គ្រាម ត្រូវបានសភា រដ្ឋាភិបាល អង្គការនយោបាយសង្គម និងប្រជាជន នៃសហរដ្ឋអាមេរិក វាយតម្លៃខ្ពស់អំពីសុច្ឆន្ទៈមនុស្សធម៌ ហើយត្រូវបានចាត់ទុកថាជាគំរូល្អនៃកិច្ចសហប្រតិបត្តិការដើម្បីមនុស្សធ៌ម។ បច្ចុប្បន្ននេះ វៀតណាម និងសហរដ្ឋអាមេរិក កំពុងសម្របសម្រួលអនុវត្តការស្វែងរកទាហានអាមេរិកបាត់ខ្លួនក្នុងសម័យសង្គ្រាម លើកទី១៥៨ តាមផែនការ។

ទិដ្ឋភាពនៃជំនួបពិភាក្សាការងារ

បន្ទាប់ពីស្តាប់មតិរបស់ប្រតិភូទាំងឡាយ លោកឧត្តមសេនីយ៍ឯក Hoang Xuan Chien បានទទួលស្គាល់ និងវាយតម្លៃខ្ពស់ចំពោះភាពម្ចាស់​ការក្នុងការជំនះការលំបាក និងលទ្ធផលនៃការអនុវត្តភារកិច្ចរបស់ស្ថាប័ន MIA នៃក្រសួងការពារជាតិ ហើយបានសង្កត់ធ្ងន់ថា សកម្មភាពស្វែងរកទាហានអាមេរិកបាត់ខ្លួនក្នុងសម័យសង្គ្រាម បានក្លាយទៅជានិមិត្តរូបនៃទំនាក់ទំនងសហប្រតិបត្តិការរវាងវៀតណាម និងសហរដ្ឋអាមេរិក ក្នុងស្មារតីទុកអតីតកាលមួយអន្លើ សម្លឹងឆ្ពោះទៅអនាគត។ លោកឧត្តមសេនីយ៍ឯក Hoang Xuan Chien បានស្នើឱ្យបន្តយល់ជ្រួតជ្រាបថាការស្វែងរកទាហានអាមេរិកបាត់ខ្លួនក្នុងសម័យសង្គ្រាមជាបញ្ហាមនុស្សធម៌យ៉ាងជ្រាលជ្រៅ ព្រមទាំង​ផ្តោតលើការសម្របសម្រួលរវាងស្ថាប័នពាក់ព័ន្ធ ការជំរុញការប្រមូលព័ត៌មាននិងឯកសារពាក់ព័ន្ធ ការបង្កើនការងារផ្សព្វផ្សាយ ការពង្រីកកិច្ចសហប្រតិបត្តិការអន្តរជាតិ ការជំរុញការអនុវត្តបច្ចេកវិទ្យាព័ត៌មាន និងឧបករណ៍បច្ចេកទេសទំនើបក្នុងសកម្មភាពស្វែងរកទាហានអាមេរិកបាត់ខ្លួនក្នុងសម័យសង្គ្រាម៕

បកប្រែដោយ Thanh Cong