សាស្ត្រាចារ្យវៀតណាមទទួលបានសញ្ញាបត្របណ្ឌិតកិត្តិយសពីសាកលវិទ្យាល័យថាមពលមូស្គូ

នេះគឺជាសញ្ញាបត្រដ៏ថ្លៃថ្នូបានជូនដល់បុគ្គលដែលបានចូលរួមចំណែកយ៉ាងធំធេងក្នុងការអភិវឌ្ឍវិទ្យាសាស្ត្រ ការបណ្តុះបណ្តាល និងកិច្ចសហប្រតិបត្តិការអន្តរជាតិក្នុងវិស័យថាមពល ព្រមទាំងជាការកោតសរសើររបស់សហគមន៍សិក្សារុស្ស៊ីចំពោះអ្នកវិទ្យាសាស្ត្រវៀតណាមម្នាក់ដែលបានបញ្ចប់ការសិក្សាពីសាកលវិទ្យាល័យនេះផងដែរ។

សាស្ត្រាចារ្យបណ្ឌិត Tran Hong Thai ទទួលសញ្ញាបត្របណ្ឌិតកិត្តិយស និងវិញ្ញាបនបត្ររបស់ MPEI ពីសាស្ត្រាចារ្យ Nikolay Rogalev (រូបថត៖ vnanet.vn)

ជាមួយនឹងសញ្ញាបត្រនេះ សាកលវិទ្យាល័យបានបន្ថែមសាស្ត្រាចារ្យបណ្ឌិត Tran Hong Thai ជាផ្លូវការទៅក្នុង "បញ្ជីមាស" នៃអ្នកប្រាជ្ញកិត្តិយសក្នុងលំហប្រពៃណីនៃ "បណ្ឌិតកិត្តិយសនៃ MPEI"។

MPEI ត្រូវបានបង្កើតឡើងក្នុងឆ្នាំ ១៩៣០ គឺជាសាកលវិទ្យាល័យស្រាវជ្រាវជាតិឈានមុខគេក្នុងវិស័យថាមពល អគ្គិសនី និងថាមពលនុយក្លេអ៊ែរ ព្រមទាំងជាកន្លែងសម្រាប់បណ្តុះបណ្តាលធនធានមនុស្សសំខាន់ៗសម្រាប់ប្រព័ន្ធអគ្គិសនីជាតិរុស្ស៊ី និងជាដៃគូយុទ្ធសាស្ត្ររបស់សាជីវកម្ម Rosatom។ ក្នុងរយៈពេលជាងប្រាំពីរទសវត្សរ៍នៃកិច្ចសហប្រតិបត្តិការជាមួយវៀតណាម MPEI បានបណ្តុះបណ្តាលវិស្វករ និងអ្នកជំនាញថាមពលរាប់រយនាក់ ដែលក្រោយមកបានកាន់តំណែងសំខាន់ៗនៅក្នុងវិទ្យាស្ថានស្រាវជ្រាវ អង្គភាពអាជីវកម្ម និងភ្នាក់ងារគ្រប់គ្រងរបស់វៀតណាម៕

បកប្រែដោយ Huyen Trang