អូស្ត្រាលី និងវៀតណាម ពង្រឹងកិច្ចសហប្រតិបត្តិការក្នុងការអភិវឌ្ឍជំនាញឌីជីថល

ព្រឹត្តិការណ៍នេះគឺជាផ្នែកមួយនៃកម្មវិធី Australian Digital Skills Roadshow 2026 សម្រាប់អាស៊ីអាគ្នេយ៍ ដែលត្រូវបានអនុវត្តនៅក្នុងប្រទេសចំនួនបួនគឺ ឥណ្ឌូនេស៊ី ថៃ វៀតណាម និងហ្វីលីពីន (ចាប់ពីថ្ងៃទី ២ ដល់ថ្ងៃទី ១០ ខែមីនា) តាមរយៈនោះ បញ្ជាក់ពីការប្តេជ្ញាចិត្តរបស់ប្រទេសអូស្ត្រាលីក្នុងការគាំទ្រដល់ការអភិវឌ្ឍជំនាញ និងលើកកម្ពស់សមត្ថភាពត្រៀមរៀបចំធនធានមនុស្សក្នុងវិស័យបច្ចេកវិទ្យាឌីជីថលទូទាំងតំបន់។

និស្សិតជួបជាមួយតំណាងមកពីសាលារៀនឈានមុខគេរបស់អូស្ត្រាលី

កម្មវិធីនេះបានបើកឱកាសសំខាន់ៗដើម្បីជម្រុញកិច្ចព្រមព្រៀងសហប្រតិបត្តិការទ្វេភាគីក្នុងការអប់រំ ការបណ្តុះបណ្តាល និងការផ្លាស់ប្តូរនិស្សិត ព្រមទាំង ពង្រឹងទំនាក់ទំនងសេដ្ឋកិច្ច និងការតភ្ជាប់រវាងប្រជាជននិងប្រជាជន ឆ្ពោះទៅរកវិបុលភាពរួម និងឆ្លើយតបតម្រូវការធនធានមនុស្សនាពេលអនាគត។ កម្មវិធីមានការចូលរួមពីតំណាងសាកលវិទ្យាល័យ និងអង្គការអប់រំល្បីៗចំនួន ២៥ របស់អូស្ត្រាលី ដោយបង្ហាញពីសមត្ថភាពបណ្តុះបណ្តាលឌីជីថលរបស់ប្រទេសអូស្ត្រាលី និងឱកាសទទួលអាហារូបករណ៍។

លោកស្រី Emma McDonald ទីប្រឹក្សាពាណិជ្ជកម្ម និងវិនិយោគជាន់ខ្ពស់របស់រដ្ឋាភិបាលអូស្ត្រាលី (អគ្គកុងស៊ុលរងទទួលបន្ទុកពាណិជ្ជកម្ម) បានចែករំលែកថា តាមរយៈកិច្ចសហប្រតិបត្តិការយ៉ាងជិតស្និទ្ធជាមួយដៃគូអប់រំ ប្រទេសអូស្ត្រាលីមានគោលបំណងផ្តល់ព័ត៌មានអំពីការបណ្តុះបណ្តាលដែលអាចបត់បែនបាន ស្របនឹងដំណើរការធ្វើបរិវត្តកម្មឌីជីថលរបស់វៀតណាម៕

បកប្រែដោយ Thuy Anh