ណែនាំអំពីហ្វើរវៀតណាមដល់មិត្តភក្តិអាល្លឺម៉ង់

ដើម្បីឆ្លើយតបទៅនឹងសប្តាហ៍ហ្វើរអឺរ៉ុបឆ្នាំ ២០២៥ ស្ថានទូតវៀតណាមប្រចាំប្រទេសអាល្លឺម៉ង់បានរៀបចំកម្មវិធីផ្លាស់ប្តូរ និងផ្សព្វផ្សាយហ្វើរវៀតណាមនៅភោជនីយដ្ឋាន Viet Pho ក្នុងទីក្រុងប៊ែរឡាំងនាថ្ងៃទី ១២ ខែធ្នូ ដែលស្របពេលជាមួយនឹង "ទិវាហ្វើរប្រចាំឆ្នាំ"។ ព្រឹត្តិការណ៍នេះបានទាក់ទាញមិត្តភក្តិ និងដៃគូអាល្លឺម៉ង់ជាច្រើន។

លោក Nguyen Dac Thanh ឯកអគ្គរដ្ឋទូតវៀតណាមប្រចាំប្រទេសអាល្លឺម៉ង់ បានថ្លែងនៅក្នុងកម្មវិធីផ្លាស់ប្តូរ។ រូបថត៖ VNA

ក្នុងអំឡុងពេលនៃព្រឹត្តិការណ៍នេះ ដៃគូអាល្លឺម៉ង់បានស្វាគមន៍ និងវាយតម្លៃខ្ពស់ចំពោះការរៀបចំព្រឹត្តិការណ៍ផ្សព្វផ្សាយហ្វើរនៅទីក្រុងប៊ែរឡាំង ដោយចាត់ទុកថាវាជាសកម្មភាពដ៏មានអត្ថន័យ ជាពិសេសក្នុងឱកាសខួបលើកទី ៥០ នៃការបង្កើតទំនាក់ទំនងការទូតរវាងវៀតណាម និងអាល្លឺម៉ង់ (ខែកញ្ញា ឆ្នាំ ១៩៧៥-ខែកញ្ញា ឆ្នាំ ២០២៥)។ វារួមចំណែកដល់ការពង្រឹងការផ្លាស់ប្តូរវប្បធម៌ និងម្ហូបអាហារ ជាពិសេសក្នុងការផ្សព្វផ្សាយម្ហូបពិសេសៗរបស់វៀតណាមដល់សាធារណជនអាល្លឺម៉ង់ ដោយហេតុនេះរួមចំណែកដល់ការពង្រឹងសាមគ្គីភាព និងមិត្តភាពរវាងប្រជាជននៃប្រទេសទាំងពីរ។

ចាប់តាំងពីឆ្នាំ ២០១៧ មក ថ្ងៃទី ១២ ខែធ្នូ ត្រូវបានជ្រើសរើសជា "ទិវាហ្វើរ"។ បន្ទាប់ពីការថែរក្សាអស់រយៈពេលប្រាំបីឆ្នាំ ទិវាហ្វើរបានក្លាយជាសកម្មភាពសំខាន់មួយដើម្បីលើកកម្ពស់វប្បធម៌ម្ហូបវៀតណាម រួមចំណែកដល់ការលើកកម្ពស់ហ្វើរវៀតណាម និងជំរុញទំនាក់ទំនងរវាងសិប្បករ អាជីវកម្ម និងអ្នកស្រុកក្នុងដំណើរនាំយកហ្វើរទៅកាន់ពិភពលោក៕

បកប្រែដោយ Duy Hoan