សាកលវិទ្យាល័យវៀតណាមជាប់ចំណាត់ថ្នាក់កំពូលនៃពានរង្វាន់ផ្លាស់ថ្មីបញ្ញាសិប្បនិម្មិត (AI) របស់អាស៊ី

បញ្ញាសិប្បនិម្មិតត្រូវបានប្រើប្រាស់ក្នុងប្រតិបត្ដិការជាច្រើននៅ BUV

ដើម្បីសម្រេចបាននូវស្នាដៃនេះ BUV បានវ៉ាដាច់សាកលវិទ្យាល័យជាង ៤០០ ក្នុងតំបន់អាស៊ីប៉ាស៊ីហ្វិក រួមទាំង "ដៃគូប្រកួតប្រជែង" ដ៏ខ្លាំងដូចជា៖ សាកលវិទ្យាល័យពហុបច្ចេកទេសហុងកុង, សាកលវិទ្យាល័យពហុបច្ចេកទេសសិង្ហបុរី, សាកលវិទ្យាល័យវិទ្យាសាស្ត្រសង្គមសិង្ហបុរី (SUSS)... ការដែលសាកលវិទ្យាល័យមួយរបស់វៀតណាមស្ថិតក្នុងលំដាប់កំពូលនៃពានរង្វាន់អាស៊ី គឺជាសក្ខីភាពបញ្ជាក់ពីលទ្ធភាពប្រកួតប្រជែង និងសមាហរណកម្មរបស់វិស័យអប់រំវៀតណាមសម្រាប់ការអភិវឌ្ឍបច្ចេកវិទ្យាអប់រំអន្តរជាតិ។

ពានរង្វាន់ EDUtech Asia បង្កើតឡើងដោយ Terrapinn Group (អង់គ្លេស) ហើយត្រូវបានគេចាត់ទុកថាជាពានរង្វាន់ផ្នែកអប់រំ និងបច្ចេកវិទ្យាដ៏មានកិត្យានុភាពបំផុតនៅអាស៊ីប៉ាស៊ីហ្វិក ដែលរៀបចំឡើងជារៀងរាល់ឆ្នាំដោយទទួលគំនិតផ្តួចផ្តើមរាប់រយពីសាកលវិទ្យាល័យឈានមុខគេ វិទ្យាស្ថានស្រាវជ្រាវ និងសហគ្រាសបច្ចេកវិទ្យាឈានមុខគេ។

បកប្រែដោយ Pham Diep