សាកលវិទ្យាល័យនានានៅភាគខាងត្បូងវៀតណាមជាប់ចំណាត់ថ្នាក់ខ្ពស់ក្នុងតារាងចំណាត់ថ្នាក់អាស៊ី

សាកលវិទ្យាល័យ Van Lang ផ្តោតលើការលើកកម្ពស់ភាពវិជ្ជមានរបស់អ្នករៀន

អាស្រ័យលើនេះ សាកលវិទ្យាល័យដែលលេចធ្លោជាងគេគឺសាកលវិទ្យាល័យ Van Lang ដែលមានវត្តមានក្នុងបញ្ជីសាកលវិទ្យាល័យកំពូល ២៥១ នៅអាស៊ី ដែលជាជំហានមួយដ៏គួរឱ្យកត់សម្គាល់បើប្រៀបធៀបទៅនឹងលទ្ធផលនៅឆ្នាំ ២០២៥។ ជាមួយនឹងលទ្ធផលនេះ នៅឆ្នាំ ២០២៦ សាកលវិទ្យាល័យ Van Lang បានវ៉ាដាច់ ៨៣.៦% នៃសាកលវិទ្យាល័យដែលជាប់ចំណាត់ថ្នាក់នៅក្នុងតំបន់អាស៊ី ដែលបញ្ជាក់ពីតួនាទីរឹងមាំរបស់សាកលវិទ្យាល័យនៅលើផែនទីអប់រំក្នុងតំបន់។ ជាពិសេស សាលានេះជាប់ចំណាត់ថ្នាក់លេខ ១៩៩ នៅអាស៊ីទាក់ទងនឹងកេរ្តិ៍ឈ្មោះសិក្សា កើនឡើង ៦៣ ចំណាត់​ថ្នាក់ បើប្រៀបធៀបទៅនឹងចំណាត់ថ្នាក់មុន។ ចំណាត់ថ្នាក់នេះមានសារៈសំខាន់ជាពិសេស ដែលឆ្លុះបញ្ចាំងពីការទទួលស្គាល់ និងការវាយតំលៃខ្ពស់របស់សហគមន៍សិក្សាអន្តរជាតិចំពោះគុណភាពនៃការបង្រៀន និងការស្រាវជ្រាវនៅសាលា។

លទ្ធផល QS Asia University Rankings 2026 ឆ្លុះបញ្ចាំងយ៉ាងច្បាស់ពីកិច្ចខិតខំប្រឹងប្រែងជាបន្តបន្ទាប់របស់សាកលវិទ្យាល័យនានានៅក្នុងប្រទេសវៀតណាមនិយាយរួម​ និង​សាកលវិទ្យាល័យនានានៅ​តំបន់ភាគខាងត្បូងវៀតណាមនិយាយដោយឡែក​ ក្នុងការកែលម្អគុណភាព នៃការបង្រៀន ការ​ស្រាវជ្រាវ ពង្រីកកេរ្តិ៍ឈ្មោះសិក្សា ឆ្ពោះទៅរកស្តង់ដារអប់រំអន្តរជាតិ៕

បកប្រែដោយ Duy Hoan