វគ្គបណ្តុះបណ្តាលស្តីពីការបង្រៀនភាសាអង់គ្លេសក្នុងវិស័យយោធា

វគ្គបណ្តុះបណ្តាលនេះប្រព្រឹត្តទៅចាប់ពីថ្ងៃទី ៨ ដល់ថ្ងៃទី ១២ ខែកញ្ញា ដែលបង្រៀនដោយគ្រូបង្រៀនមកពីមជ្ឈមណ្ឌលបណ្ដុះបណ្ដាលការពារជាតិអន្តរជាតិអូស្ត្រាលី ហើយមានការចូលរួមពីសិក្ខាកាមដែលជាគ្រូបង្រៀនភាសាអង់គ្លេសនៃសាលាក្នុងកងទ័ពរបស់វៀតណាម និងគ្រូបង្រៀនភាសាអង់គ្លេសមកពីប្រទេសឡាវ និងកម្ពុជា។

ប្រតិភូនៅពិធីបើកវគ្គបណ្តុះបណ្តាល

វគ្គបណ្ដុះបណ្ដាលមិនត្រឹមតែជួយគ្រូបង្រៀនស្វែងយល់អំពីវិធីសាស្រ្តបង្រៀនបែបទំនើប ជាពិសេសក្នុងការបង្រៀនភាសាអង់គ្លេសក្នុងវិស័យយោធាប៉ុណ្ណោះទេ ថែមទាំងបង្កើតឱកាសសម្រាប់គ្រូបង្រៀនក្នុងជួរកងទ័ពឲ្យ​ផ្លាស់ប្តូរ និងចែករំលែកបទពិសោធន៍ ចូលរួមចំណែកដល់ការបង្កើតបណ្តាញកិច្ចសហប្រតិបត្តិការបណ្តុះបណ្តាលនៅក្នុងតំបន់។

ក្នុងឱកាសនេះ លោកអនុព័ន្ធយោធាអូស្ត្រាលីប្រចាំនៅវៀតណាមបានប្រគល់សៀវភៅសិក្សា និងឯកសារបង្រៀនភាសាអង់គ្លេសថ្មីជិត ៥០០ ក្បាលដល់វិទ្យាស្ថាននិងសាលាក្នុងជួរកងទ័ពរបស់វៀតណាម៕

បកប្រែដោយ Thuy Anh