សាលារៀននៅទូទាំងប្រទេសវៀតណាមបើកបវេសនកាលឆ្នាំសិក្សាថ្មី

ឪពុកម្តាយជាប្រជានេសាទ និងតំណាងអាជ្ញាធរតំបន់ពិសេស Co To និងកងកម្លាំងប្រដាប់អាវុធនៅកោះ Tran អញ្ជើញចូលរួមពិធីបើកបវេសន កាលឆ្នាំសក្សាថ្មីនៅសាលា Dao Tran

នៅខេត្ត Quang Ninh សិស្ស ៣៦០,០០ នាក់ នៅគ្រឹះស្ថានអប់រំ ៦៤០ បានចាប់ផ្ដើមឆ្នាំសិក្សាថ្មី។ អ្នកគ្រូ Pham Thi Hoa គ្រូបង្រៀននៅសាលាមត្តេយ្យ Dao Tran នៃសាលាបឋមសិក្សា Thanh Lan តំបន់ពិសេស Co To បានចែករំលែកថា៖ “ប៉ុន្មានថ្ងៃកន្លងមក លោកគ្រូ អ្នកគ្រូ និងសិស្សានុសិស្សមានអារម្មណ៍សប្បាយចិត្ដក្នុងឆ្នាំសិក្សាថ្មី។  លោកគ្រូ អ្នកគ្រូ នឹងខិត្ដខំប្រឹងប្រែងលើកកម្ពស់គុណភាពបង្រៀននិងសិក្សា ជួយបង្កើនចំណេះដឹងសម្រាប់សិស្សានុសិស្ស។

នៅខេត្ត Dien Bien ថ្វីត្បិតតែទើបតែជួបគ្រោះទឹកជំនន់ជាប្រវត្តិសាស្ត្រ ដែលបណ្ដាលឱ្យបរិវេណសាលាទាំងមូលលិចលង់ក្នុងជម្រៅជាង ៣ ម៉ែត្រ ហើយតុ កៅអី សៀវភៅនិងឧបករណ៍បង្រៀនទាំងអស់ត្រូវខូចខាតទាំងស្រុងក៏ដោយក៏សិស្សានុសិស្សជាង ៥០០ នាក់ និងលោកគ្រូអ្នកគ្រូ  នៅអនុវិទ្យាល័យអន្ដេវាសិកជនជាតិ Chieng So ឃុំ Muong Luan បានជំនះការលំបាកដើម្បីរៀបចំពិធីបើកបវេសនកាលឆ្នាំសិក្សាថ្មី។

លោកគ្រូ Nguyen Danh Hy នាយកសាលា បានឲ្យដឹងថា “សាលាបានទទួលការយកចិត្តទុកដាក់ពីថ្នាក់ដឹកនាំគ្រប់លំដាប់ថ្នាក់ ពីសហគមន៍ និងការខិតខំប្រឹងប្រែងរបស់លោកគ្រូ អ្នកគ្រូ បានជម្នះការលំបាកក្រោយទឹកជំនន់ និងធានាបាននូវសម្ភារៈបរិក្ខារសម្រាប់ស្វាគមន៍សិស្សានុសិស្សចូលរៀនវិញ បើកឆ្នាំសិក្សាថ្មីតាមការគ្រោងទុក”។

រួមជាមួយសិស្សានុសិស្សទូទាំងប្រទេស ថ្ងៃទី៥ ខែកញ្ញា សិស្សានុសិស្សនៅកោះ Sinh Ton (តំបន់ពិសេស Truong Sa ខេត្ត Khanh Hoa) ក៏បានបើកបវេសនកាលឆ្នាំសិក្សាថ្មី ២០២៥-២០២៦ ផងដែរ។

បកប្រែដោយ Pham Diep