សិស្សានុសិស្សគុយបាចូលចិត្តស្វែងយល់អំពីវប្បធម៌ និងប្រវត្តិសាស្ត្រវៀតណាម

សាលាបឋមសិក្សា Vo Thi Thang នៅរដ្ឋធានី La Habana ប្រទេសគុយបា ត្រូវបានបង្កើតឡើងដោយលោកអគ្គមេបញ្ជាការ Fidel Castro និងក្រុមប្រឹក្សារដ្ឋគុយបាក្នុងឆ្នាំ ១៩៦៨ បន្ទាប់ពីរូបថត “ស្នាមញញឹមនៃជ័យជំនះ” របស់វីរៈនារីវៀតណាម Vo Thi Thang ត្រូវបានចុះផ្សាយដោយសារព័ត៌មានអន្តរជាតិ។

លោកគ្រូ អ្នកគ្រូ និងសិស្សានុសិស្សនៃសាលាបឋមសិក្សា Vo Thi Thang ទស្សនាកន្លែងតាំងពិព័រណ៍គំនូររបស់កុមារវៀតណាមអំពីទំនាក់ទំនងជាបងប្អូនរវាងប្រជាជាតិទាំងពីរ វៀតណាម- គុយបា (រូបថត៖ vnanet.vn)

អ្នកគ្រូ Adriana Montero នៅសាលាបឋមសិក្សា Vo Thi Thang បានចែករំលែកថា៖ “សកម្មភាពក្រៅកម្មវិធីសិក្សានេះជួយសិស្សទទួលបានចំណេះដឹងដ៏មានប្រយោជន៍បន្ថែមទៀតអំពីវប្បធម៌ និងប្រវត្តិសាស្ត្រវៀតណាម ដោយហេតុនេះ រួមចំណែកពូនជ្រំទំនាក់ទំនងពិសេសរវាងប្រជាជាតិទាំងពីរ គុយបា-វៀតណាម”។

លោក Le Quang Long (ខាងឆ្វេងដៃ) ឯកអគ្គរដ្ឋទូតវៀតណាមប្រចាំនៅគុយបា ឧទ្ទេសនាមអំពីស្គរសំរិទ្ធ Dong Son (រូបថត៖ vnanet.vn)

ប្អូន Pablo សិស្សម្នាក់នៅសាលាបឋមសិក្សា Vo Thi Thang ប្រទេសគុយបា បាននិយាយថា “ខ្ញុំរីករាយណាស់ដែលបានមកទស្សនាស្ថានទូតវៀតណាមប្រចាំនៅគុយបា ហើយមានបំណងចង់ស្វែងយល់បន្ថែមអំពីវប្បធម៌វៀតណាម”។

ក្នុងឱកាសនេះ លោកគ្រូ អ្នកគ្រូ និងសិស្សានុសិស្សបានទស្សនាភាពយន្តខ្លី និងចូលរួមការប្រកួតស្វែងយល់អំពីទំនាក់ទំនងដ៏ស្មោះត្រង់រវាងប្រជាជាតិទាំងពីរ វៀតណាម-គុយបា៕

បកប្រែដោយ Huyen Trang