ពិធីបើកបុណ្យអភិរក្ស និងអភិវឌ្ឍភូមិសិប្បកម្មអន្តរជាតិឆ្នាំ២០២៥

ពិធីបុណ្យអភិរក្ស និងអភិវឌ្ឍភូមិសិប្បកម្មអន្តរជាតិឆ្នាំ២០២៥ ត្រូវបានរៀបចំឡើងដោយមានការចូលរួមពីសិប្បករ អ្នកជំនាញ និងអ្នកច្នៃប្រឌិតមកពីប្រទេស និងដែនដីចំនួន៣០។ កន្លែងតាំងពិព័រណ៍នៅក្នុងពិធីបុណ្យឆ្នាំនេះ៖ ណែនាំភូមិសិប្បកម្មស្តង់ដារអន្តរជាតិ និងតំបន់; ណែនាំភូមិសិប្បកម្មពិសេស និងជាគំរូនៃប្រទេសទាំងមូល រួមជាមួយនឹងព្រឹត្តិការណ៍ជាច្រើនទៀតដូចជា៖ សន្និសីទជំរុញពាណិជ្ជកម្ម និងវិនិយោគ ការប្រកួតផលិតផលសិប្បកម្មវៀតណាម ពិព័រណ៍ភូមិសិប្បកម្ម និងកសិផល ម្ហូបអាហារសុវត្ថិភាពនៅទីក្រុងហាណូយ។

ស្តង់មួយនៅក្នុងពិធីបុណ្យអភិរក្ស និងអភិវឌ្ឍភូមិសិប្បកម្មអន្តរជាតិឆ្នាំ ២០២៥

ពិធីបុណ្យនេះត្រូវបានរៀបចំឡើងដើម្បីថែរក្សា និងលើកកម្ពស់អត្តសញ្ញាណ និងតម្លៃវប្បធម៌ប្រពៃណីរបស់ប្រទេសជាតិ។ លើកតម្កើងសិប្បករ ពលករនៅក្នុងភូមិសិប្បកម្ម បង្កើនមោទនភាពចំពោះភូមិសិប្បកម្ម និងសិប្បករ ដោយហេតុនេះបង្កើតការយល់ដឹងអំពីការថែរក្សា ការអភិរក្ស និងការអភិវឌ្ឍភូមិសិប្បកម្ម។ ពិធីបុណ្យនេះក៏មានគោលបំណងផ្សព្វផ្សាយ និងណែនាំផលិតផលភូមិសិប្បកម្មរបស់ទីក្រុងហាណូយដល់សហគមន៍អន្តរជាតិ និងជាឱកាសសម្រាប់សិប្បករ និងពលករក្នុងស្រុក និងអន្តរជាតិ ផ្លាស់ប្តូរ ដើម្បីពង្រីកទីផ្សារ និងបង្កើនតម្លៃសេដ្ឋកិច្ចនៃផលិតផលសិប្បកម្មប្រពៃណី៕

បកប្រែដោយ Huyen Trang