បំផុសខែវប្បធម៌អាវផាយវៀតណាមនៅអឺរ៉ុប

ក្នុងក្របខ័ណ្ឌនៃព្រឹត្តិការណ៍នេះ គណៈកម្មាធិការរៀបចំ បានលើកទឹកចិត្តដល់ស្ត្រី អង្គការស្ត្រី ក៏ដូចជាអាណិកជនវៀតណាមនៅបណ្តាប្រទេសអឺរ៉ុប ជ្រោមជ្រែងនឹងព្រឹត្តិការណ៍ដោយសកម្មភាពប្រកបដោយភាពច្នៃប្រឌិត ជាក់ស្តែង ដើម្បីផ្សព្វផ្សាយតម្លៃរបស់អាវផាយ ដូចជា៖ កម្មវិធីបង្ហាញម៉ូត ការណែនាំអំពីអាវផាយ រៀបចំសកម្មភាពប្រធានបទ សិក្ខាសាលាស្តីពីអាវផាយ...

ព្រឹត្តិការណ៍នេះនឹងជាឱកាសសម្រាប់ស្ត្រីនិយាយដោយឡែក និងសហគមន៍ជនវៀតណាមនៅបណ្តាប្រទេសអឺរ៉ុប រួមគ្នាផ្សព្វផ្សាយតម្លៃវប្បធម៌អាវផាយវៀតណាម (រូបថត៖ គណៈកម្មាធិការរៀបចំ)

លោកស្រីបណ្ឌិត Phan Bich Thien ប្រធានវេទិកាស្ដ្រីវៀតណាមនៅអឺរ៉ុប ប្រធានក្លឹបបេតិកភណ្ឌអាវផាយវៀតណាមនៅអឺរ៉ុប សមាជិកាគណៈអចិន្ត្រៃយ៍នៃសមាគមវប្បធម៌អាវផាយវៀតណាមបានឲ្យដឹងថា គោលបំណងនៃកម្មវិធីគឺផ្សព្វផ្សាយថា អាវផាយមិនត្រឹមតែជាសំលៀកបំពាក់ជាតិរបស់វៀតណាមប៉ុណ្ណោះទេ ថែមទាំងជាឯកអគ្គរដ្ឋទូតនៃវប្បធម៌វៀតណាម ដែលមានវត្តមានក្នុងដំណើរនៃការរួមផ្សំប្រពៃណី និងសម័យទំនើប។

នៅក្នុងលំហពហុវប្បធម៌នៃទ្វីបអឺរ៉ុប នៅទីក្រុងទំនើប និងវប្បធម៌ដ៏យូរលង់ អាវផាយក្លាយជាចំណុចលេចធ្លោនៃវប្បធម៌វៀតណាមក្នុងការធ្វើសមាហរណកម្ម។

លោកស្រី Hoang Thuy Nga អនុប្រធានអចិន្ត្រៃយ៍នៃវេទិកាស្ត្រីវៀតណាមនៅអឺរ៉ុប អនុប្រធានសមាគមស្រ្តីវៀតណាមនៅប្រទេសឆែក ជឿជាក់ថា យុទ្ធនាការ “ខែវប្បធម៌អាវផាយវៀតណាមនៅអឺរ៉ុប - សមាហរណកម្ម និងផ្សព្វផ្សាយ” ជាឱកាសសម្រាប់ស្ត្រី ក៏ដូចជាជនវៀតណាមនៅបណ្តាប្រទេសនៅអឺរ៉ុប ផ្សព្វផ្សាយតម្លៃវប្បធម៌នៃអាវផាយវៀតណាម ដល់មិត្តអន្តរជាតិ៕

បកប្រែដោយ Thuy Anh