នាយករដ្ឋមន្ត្រីកម្ពុជា ផ្ញើសារសួរសុខទុក្ខ និងចូលរួមរំលែកទុក្ខចំពោះការខូចខាតយ៉ាងធ្ងន់ធ្ងរដោយសារខ្យល់ព្យុះលេខ១០

ខ្យល់ព្យុះលេខ​ ១០ និងភ្លៀងទឹកជំនន់ជាបន្តបន្ទាប់បានបង្កការខូចខាតយ៉ាងធ្ងន់ធ្ងរដល់ប្រជាជន ទ្រព្យសម្បត្តិ និងហេដ្ឋារចនាសម្ព័ន្ធនៅបណ្ដាមូលដ្ឋានក្នុងតំបន់ភាគខាងជើង និងភាគកណ្តាល (រូបថត៖ Chinhphu.vn)

សារសួរសុខទុក្ខរបស់សម្ដេចធិបតី ហ៊ុន ម៉ាណែត មានខ្លឹមសារដូចតទៅ "ខ្ញុំមានការសោកស្ដាយជាខ្លាំងដែលបានទទួលដំណឹងពីការខាតបង់ដ៏ធ្ងន់ធ្ងរដោយខ្យល់ព្យុះ Bualoi នៅខេត្តភាគខាងជើង និងភាគកណ្តាលនៃប្រទេសវៀតណាមដែលបណ្តាលឲ្យមនុស្សបាត់បង់ជីវិត បាត់ខ្លួន និងរងរបួសជាច្រើននាក់ រួមទាំងបង្កការបាត់បង់ទ្រព្យសម្បត្តិយ៉ាងធ្ងន់ធ្ងរ។ តាងនាមរាជរដ្ឋាភិបាលនិងប្រជាជនកម្ពុជា ខ្ញុំសូមចូលរួមរំលែកទុក្ខដ៏ជ្រាលជ្រៅបំផុតចំពោះរដ្ឋាភិបាល និងប្រជាជនវៀតណាម និងជាពិសេសចំពោះក្រុមគ្រួសារដែលមានអ្នកបាត់បង់ជីវិតដោយសារខ្យល់ព្យុះ ខ្ញុំក៏សូមជូនពរអ្នករបួសឆាប់ជាសះស្បើយ។

ខ្ញុំជឿជាក់យ៉ាងមុតមាំថា ក្រោមការដឹកនាំដ៏ឈ្លាសវៃរបស់លោកនាយករដ្ឋមន្ដ្រីវៀតណាម ប្រជាជនវៀតណាមនឹងឆាប់ឆ្លងកាត់គ្រាដ៏លំបាក និងបញ្ហាប្រឈមនេះ"៕

បកប្រែដោយ Pham Diep