ពង្រឹងកិច្ចសហប្រតិបត្តិការក្នុងការស្វែងរក និងប្រមូលអដ្ឋិធាតុយុទ្ធជនពលីជីវិត​នៅកម្ពុជា​ក្នុង​សម័យសង្គ្រាម​

ទិដ្ឋភាពនៃកិច្ចប្រជុំ​

គណៈប្រតិភូនៃគណៈកម្មការជំនាញ នៃរដ្ឋាភិបាលវៀតណាមដឹកនាំដោយលោក​ឧត្តមសេនីយ៍ឯក Vo Minh Luong សមាជិកគណៈកម្មាធិការមជ្ឈិមបក្ស សមាជិកគណៈអចិន្ត្រយ៍នៃកម្មាធិការបក្សយោធាមជ្ឈិម អនុរដ្ឋមន្ត្រីក្រសួងការពារជាតិ ប្រធានគណៈកម្មការជំនាញ នៃរដ្ឋាភិបាលវៀតណាម។ គណៈប្រតិភូ គណៈកម្មការជំនាញ នៃរាជរដ្ឋាភិបាលកម្ពុជា ដឹកនាំដោយ លោកនាយឧត្តមសេនីយ៍ ប៉ុល សារឿន ឧត្តមប្រឹក្សាផ្ទាល់ព្រះមហាក្សត្រ ប្រធានគណៈកម្មការជំនាញ ។

ក្នុងកិច្ចប្រជុំនេះ ភាគីទាំងពីរបានពិភាក្សា និងឯកភាពគ្នាវាយតម្លៃលទ្ធផលនៃកិច្ចសហប្រតិបត្តិការរដូវប្រាំងឆ្នាំ ២០២៤-២០២៥ និងដាក់ពង្រាយទិសដៅ និងភារកិច្ចសម្រាប់រដូវប្រាំងឆ្នាំ ២០២៥-២០២៦។ នៅរដូវប្រាំងឆ្នាំ ២០២៤-២០២៥ ក្រុមប្រមូលរបស់វៀតណាមបានស្វែងរក និងប្រមូលបានអដ្ឋិធាតុនៃកងទ័ពស្ម័គ្រចិត្តវៀតណាម និងអ្នកជំនាញដែលបានពលីជីវិតក្នុងសម័យសង្គ្រាមនៅកម្ពុជាចំនួន​ ៧៨១ អដ្ឋិធាតុ។

លោកឧត្តមសេនីយ៍ឯក Vo Minh Luong និងនាយឧត្តមសេនីយ៍ ប៉ុល សារឿន ចុះហត្ថលេខាលើកំណត់ហេតុនៃកិច្ចប្រជុំលើកទី២៤

លោកឧត្តមសេនីយ៍ឯក Vo Minh Luong និងលោកនាយឧត្តមសេនីយ៍ ប៉ុល សារឿន ផ្លាស់ប្តូរ​កំណត់ហេតុនៃកិច្ចប្រជុំលើកទី២៤

ភាគីទាំងពីរបានពិភាក្សា និងឯកភាពគ្នាក្នុងការបង្កើនការងារឃោសនា ហើយបានកំណត់ថានេះជាការងារសំខាន់ ដើម្បីប្រជាជន ជាពិសេសយុវជនជំនាន់ក្រោយបានយល់ដឹងអំពីគោលបំណងនៃការប្រយុទ្ធ និងពលីកម្មរបស់កងទ័ពស្ម័គ្រចិត្ត និងអ្នកជំនាញ ដោយហេតុនេះបង្កើតកិច្ចសហប្រតិបត្តិការ និងការសម្របសម្រួលយ៉ាងសកម្ម និងមានប្រសិទ្ធភាពក្នុងចំណោមប្រជាជន អង្គការ និងសាក្សីទាំងអស់ក្នុងការស្វែងរក និងប្រមូលអដ្ឋិធាតុ។ ទីភ្នាក់ងារ អង្គភាព និងមូលដ្ឋាននានានៃប្រទេសទាំងពីរផ្លាស់ប្តូរព័ត៌មានជាប្រចាំ ពង្រឹងការត្រួតពិនិត្យ និងវាយតម្លៃលទ្ធផល ដកមេរៀនបទពិសោធន៍ភ្លាមៗ លើកសរសើរ និងផ្តល់រង្វាន់ដល់ស្ថាប័ន និងបុគ្គលដែលបានបញ្ចប់ភារកិច្ចរបស់ខ្លួនបានល្អ។ ជាមួយគ្នានេះ ចាត់តាំងមន្ត្រីដែលមានបទពិសោធន៍ និងចំណេះដឹង ចូលរួមអនុវត្តការងារ ដោះស្រាយការលំបាក និងផ្តល់ជំនួយទាន់ពេលវេលា និងមានប្រសិទ្ធភាព ដល់កងកម្លាំងដែលកំពុងបំពេញភារកិច្ចនៅភូមិសាស្ត្រ។

លោកឧត្តមសេនីយ៍ឯក Vo Minh Luong ប្រគល់ថវិកាឧបត្ថម្ភរបស់រដ្ឋាភិបាលវៀតណាមជូនគណៈកម្មការជំនាញរបស់រាជរដ្ឋាភិបាលកម្ពុជា

លោកឧត្តមសេនីយ៍ឯក Vo Minh Luong ជូនអំណោយដល់លោកនាយឧត្តមសេនីយ៍ ប៉ុល សារឿន

ក្នុងកិច្ចប្រជុំនេះ លោកឧត្តមសេនីយ៍ឯក Vo Minh Luong និងលោកនាយឧត្តមសេនីយ៍ ប៉ុល សារឿន បានចុះហត្ថលេខាលើកំណត់ហេតុនៃកិច្ចប្រជុំលើកទី២៤ ដែលនឹងជាមូលដ្ឋានសម្រាប់ការអនុវត្តការងារប្រកបដោយប្រសិទ្ធភាពក្នុងរដូវប្រាំងឆ្នាំ ២០២៥-២០២៦។ ក្នុងឱកាសនេះ ដោយមានការអនុញ្ញាតពីនាយករដ្ឋមន្ត្រី លោកឧត្តមសេនីយ៍ឯក Vo Minh Luong បានប្រគល់ថវិកាឧបត្ថម្ភរបស់រដ្ឋាភិបាលវៀតណាមជូនគណៈកម្មការជំនាញរបស់រាជរដ្ឋាភិបាលកម្ពុជា។ លោកឧត្តមសេនីយ៍ឯក Vo Minh Luong ក៏បានជូនអំណោយដល់សមាជិកនៃគណៈប្រតិភូគណៈកម្មការជំនាញរបស់រាជរដ្ឋាភិបាលកម្ពុជា៕

បកប្រែដោយ Duy Hoan