ខេត្ត An Giang៖ កិច្ចពិភាក្សាស្តីពីការសម្របសម្រួល ធានាសន្តិសុខ និងសណ្តាប់ធ្នាប់នៅតំបន់ច្រកទ្វារព្រំដែនវៀតណាម-កម្ពុជា

លោកវរសេនីយ៍ឯក Tran Ngoc Chau មេបញ្ជាការរង នាយសេនាធិការ នៃគណៈបញ្ជាការកងទ័ពការពារព្រំដែនខេត្ត An Giang; លោកវរសេនីយ៍ឯកបណ្ឌិត Vu Quoc Nam អនុប្រធានការិយាល័យវិទ្យាសាស្ត្រយោធា នៃកងទ័ពការពារព្រំដែន បានអញ្ជើញជាសហប្រធានកិច្ចពិភាក្សា។

ទិដ្ឋភាពនៃកិច្ចពិភាក្សា

នៅក្នុងពិភាក្សា ប្រតិភូបានពិភាក្សា និងវាយតម្លៃស្ថានភាពសន្តិសុខ សណ្តាប់ធ្នាប់នៅតំបន់ច្រកទ្វារព្រំដែន លទ្ធផលនៃការសម្របសម្រួលរវាងកងទ័ពការពារព្រំដែនខេត្ត An Giang  និងកម្លាំងការពារព្រំដែនកម្ពុជា នាពេលកន្លងមក។ ប្រតិភូទាំងឡាយបានអះអាងថា ការសម្របសម្រួលយ៉ាងជិតស្និទ្ធរបស់កងកម្លាំងនៃភាគីទាំងពីរបានរួមចំណែកយ៉ាងសំខាន់ក្នុងការថែរក្សាសន្តិសុខនយោបាយ សណ្តាប់ធ្នាប់ និងសុវត្ថិភាពសង្គម ការប្រយុទ្ធប្រឆាំងនិងទប់ស្កាត់បទល្មើសរត់ពន្ធ ការក្លែងបន្លំពាណិជ្ជកម្ម ការចូល-ចេញដោយខុសច្បាប់ និងសកម្មភាពល្មើសច្បាប់ផ្សេងៗទៀត។

លោកវរសេនីយ៍ឯក Tran Ngoc Chau មេបញ្ជាការរង នាយសេនាធិការនៃគណៈបញ្ជាការកងទ័ពការពារព្រំដែនខេត្ត An Giang

ប្រតិភូក៏បានចង្អុលបង្ហាញពីការលំបាក និងបញ្ហាប្រឈមក្នុងស្ថានភាពថ្មី ព្រមទាំងបានលើកឡើងដំណោះស្រាយជាច្រើនដើម្បីកែលម្អគុណភាពនៃការសម្របសម្រួលដូចជា៖ បន្តរក្សាយន្តការដ៏ល្អ នៃការផ្លាស់ប្តូរព័ត៌មានជាប្រចាំ រៀបចំការល្បាតទ្វេភាគី ពង្រឹងការសម្របសម្រួលដើម្បីក្តាប់ស្ថានការណ៍ ដោះស្រាយឧបទ្ទវហេតុភ្លាមៗ ជៀសវាងការអសកម្ម និងការភ្ញាក់ផ្អើល។ ទន្ទឹមនឹងនោះ យើងត្រូវរួមគ្នាធ្វើឱ្យបានល្អក្នុងការឃោសនាផ្សព្វផ្សាយជូនប្រជាជននៅសងខាងព្រំដែន ឱ្យអនុវត្តយ៉ាងម៉ឺងម៉ាត់នូវបទប្បញ្ញត្តិនៃច្បាប់ រួមចំណែកកសាងព្រំដែនសន្តិភាព មិត្តភាព សហប្រតិបត្តិការ និងអភិវឌ្ឍ។

លោកវរសេនីយ៍ឯក បណ្ឌិត Vu Quoc Nam មានប្រសាសន៍ក្នុងកិច្ចពិភាក្សា

សិក្ខាសាលាបានរួមចំណែកផ្តល់មូលដ្ឋានជាក់ស្តែងសំខាន់ៗជាច្រើន បម្រើដល់ការស្រាវជ្រាវ និងបញ្ចប់ប្រធានបទ ហើយទន្ទឹមនឹងនោះក៏បានបញ្ជាក់ពីការប្តេជ្ញាចិត្តក្នុងការងារសម្របសម្រួលរវាងកងកម្លាំងការពារព្រំដែននៃប្រទេសទាំងពីរ ដើម្បីធានាសន្តិសុខ និងសណ្តាប់ធ្នាប់នៅតំបន់ច្រកទ្វារព្រំដែនក្នុងស្ថានភាពថ្មី៕

បកប្រែដោយ Duy Hoan