គណៈប្រតិភូវៀតណាមអញ្ជើញចូលរួមសប្តាហ៍អាស៊ាន-ចិន នៅខេត្ត Shanxi

គណៈប្រតិភូវៀតណាមដឹកនាំដោយលោក Ho An Phong អនុរដ្ឋមន្ត្រីក្រសួងវប្បធម៌ កីឡា និងទេសចរណ៍ អញ្ជើញចូលរួមសកម្មភាពក្នុងក្របខ័ណ្ឌសប្តាហ៍អាស៊ាន-ចិន។

គណៈប្រតិភូមកពីបណ្តាប្រទេសអាស៊ាន និងចិន ចូលរួមសម័យសន្ទនាក្នុងក្របខ័ណ្ឌនៃសប្តាហ៍នេះ (រូបថត៖ vnanet.vn)

សប្តាហ៍អាស៊ាន - ចិនឆ្នាំ២០២៤ គឺជាព្រឹត្តិការណ៍ដ៏សំខាន់មួយនៅក្នុងឆ្នាំអាស៊ាន - ចិនស្តីពីការផ្លាស់ប្តូររងរវាងប្រជាជន និងប្រជាជនឆ្នាំ ២០២៤ ដែលត្រូវបានប្រកាសជាផ្លូវការដោយមេដឹកនាំនៃភាគីទាំងពីរក្នុងឆ្នាំ២០២៣ ហើយគឺជាមូលដ្ឋានគ្រឹះដ៏សំខាន់សម្រាប់ខេត្ត Shanxi (ប្រទេសចិន) ពង្រីកសមាហរណកម្ម  និងជាស្ពានតភ្ជាប់ ដើម្បីខេត្តនេះបង្កើនការផ្លាស់ប្តូរ និងកិច្ចសហប្រតិបត្តិការជាមួយបណ្តាប្រទេសអាស៊ាន។

បន្ទាប់ពីពិធីបើក គណៈប្រតិភូមកពីបណ្តាប្រទេសអាស៊ាន និងចិនបានចូលរួមកិច្ចសន្ទនាភាពជាដៃគូយុទ្ធសាស្ត្រគ្រប់ជ្រុងជ្រោយអាស៊ាន-ចិន៖ ការសម្រេចបាននូវវិបុលភាពតាមរយៈកាលានុវត្តភាព។

លោក Ho An Phong អនុរដ្ឋមន្ត្រីក្រសួងវប្បធម៌ កីឡា និងទេសចរណ៍ ថ្លែងមតិក្នុងសម័យពិភាក្សា (រូប​ថត៖ vnanet.vn)

ថ្លែងមតិក្នុងសម័យពិភាក្សា លោក Ho An Phong អនុរដ្ឋមន្ត្រីក្រសួងវប្បធម៌ កីឡា និងទេសចរណ៍ បានសង្កត់ធ្ងន់ថា នេះជាប្រធានបទដែលមានសារៈសំខាន់ជាក់ស្តែង ដោយសង្កត់ធ្ងន់លើតួនាទី សារៈសំខាន់ និងតម្លៃក្នុង​ដំណើរការសិក្សាគ្នាទៅវិញទៅមក ក៏ដូចជាការផ្លាស់ប្តូរ ជាពិសេសនៅក្នុងវិស័យវប្បធម៌ និងការផ្លាស់ប្តូររវាងប្រជាជននិងប្រជាជន ក្នុងដំណើរការតភ្ជាប់ ការបង្កើនការយល់ដឹងគ្នាទៅវិញទៅមក និងការតភ្ជាប់ទំនាក់ទំនងរវាងបណ្តាប្រទេស និងប្រជាជាតិជុំវិញពិភពលោក រួមទាំងប្រទេសអាស៊ាន និងប្រទេសចិនផង។

ក្នុងក្របខ័ណ្ឌសប្តាហ៍អាស៊ាន-ចិន ឆ្នាំ២០២៤ គណៈប្រតិភូវៀតណាម និងគណៈប្រតិភូអាស៊ាន-ចិន ក៏បានចូលរួមសកម្មភាពជាច្រើនដូចជា៖ ពិធីប្រកាសអំពីមហោស្រពវប្បធម៌អាស៊ាន-ចិន ពិធីប្រកាសកម្មវិធីសេវាកម្មនាំចូល-នាំចេញអាស៊ាន-ចិន  ពិធីប្រកាស​តុក្កតាម៉ាស្កូត​របស់មជ្ឈមណ្ឌលអាស៊ាន-ចិន និងឈុតប្រមូលផ្ដុំការច្នៃប្រឌិតវប្បធម៌ Shanxi (ប្រទេសចិន) និង​ទៅទស្សនាអង្គភាពអាជីវកម្ម និងគ្រឹះស្ថានវប្បធម៌មួយចំនួននៅក្នុងខេត្ត Shanxi (ប្រទេសចិន)។ តាមគម្រោង សប្តាហ៍អាស៊ាន-ចិននឹងប្រព្រឹត្តទៅរហូតដល់ថ្ងៃទី ១៥ ខែសីហា។

បកប្រែដោយ Duy Hoan