អ្នកជំនាញអូស្ត្រាលីចែករំលែកបទពិសោធន៍សុខភាពផ្លូវចិត្តដល់យោធិនមួកខៀវ

ប្រតិភូ និងយោធិនចូលរួមពិធីបើកការផ្លាស់ប្ដូរបទពិសោធន៍នៅនាយកដ្ឋានរក្សាសន្តិភាពវៀតណាម

សកម្មភាពនេះប្រព្រឹត្តទៅចាប់ពីថ្ងៃទី ១៩ ដល់ថ្ងៃទី ២៥ ខែឧសភា ក្នុងគោលបំណងលើកកម្ពស់ការយល់ដឹង និងចែករំលែកបទពិសោធន៍ក្នុងការថែទាំសុខភាពផ្លូវចិត្តដល់កម្មាភិបាល និងបុគ្គលិកនៃកងទ័ពកម្រិត ២ លេខ ៧ និងកងវិស្វកម្មលេខ ៤ មុនពេលទៅបំពេញបេសកកម្ម និងវាយតម្លៃបទពិសោធន៍ទាក់ទងនឹងសុខភាពផ្លូវចិត្តតាមរយៈស្ថានភាពជាក់ស្តែងរបស់យោធិននៅពេលបំពេញភារកិច្ចនៅស្ថានបេសកកម្មនានា។

សមាជិកនៃកងវិស្វកម្មលេខ ៤ ដែលត្រៀមខ្លួនទៅបំពេញបេសកកម្ម ចូលរួមក្នុងការ​ផ្លាស់ប្តូរបទពិសោធន៍

អញ្ជើញចូលរួមក្នុងកម្មវិធីផ្លាស់ប្តូរបទពិសោធន៍មានអ្នកជំនាញចិត្តសាស្រ្តមកពីកងកម្លាំងការពារជាតិអូស្ត្រាលី កម្មាភិបាល និងនាយទាហាន នៃកងទ័ពប្រជាជនវៀតណាមដែលធ្លាប់​បំពេញបេសកកម្មនៅភូមិសាស្ត្រ រួមទាំងសមាជិកនៃកងពេទ្យកម្រិត២ លេខ៧ និងកងវិស្វកម្មលេខ៤។

លោកស្រីវរសេនីយ៍ត្រី Caroline Anderson អ្នកជំនាញចិត្តសាស្រ្តមកពីកងទ័ពអូស្ត្រាលី ចែករំលែកចំណេះដឹងអំពីសុខភាពផ្លូវចិត្ត

លោកស្រីអនុសេនីយ៍ឯក Nguyen Phuong Linh នាយទាហាននៃកងទ័ពប្រជាជនវៀតណាមដែលបានបញ្ចប់បេសកកម្មនៅសាធារណរដ្ឋអាហ្វ្រិកកណ្តាល

ថ្លែងមតិក្នុងពិធីបើកនាព្រឹកថ្ងៃទី ២២ ឧសភា នៅនាយកដ្ឋានរក្សាសន្តិភាពវៀតណាម លោកវរសេនីយ៍ឯក Nguyen Nhu Canh អនុប្រធាននាយកដ្ឋានរក្សាសន្តិភាពវៀតណាម បានសង្កត់ធ្ងន់លើសារៈសំខាន់នៃការត្រៀមលក្ខណៈអំពីរាងកាយ ជាពិសេសស្មារតីល្អសម្រាប់កម្មាភិបាល យុទ្ធជនមុនពេលទៅបំពេញបេសកកម្មក្នុងបរិយាកាសការងារដែលមានបញ្ហាប្រឈម សម្ពាធខ្ពស់ និងហានិភ័យដែលអាចកើតមានឡើង។

ការវាយតម្លៃ ការគាំទ្រ និងការធ្វើសមាហរណកម្មអំពីផ្លូវចិត្តបន្ទាប់ពីបញ្ចប់បេសកកម្មក៏ជាខ្លឹមសារមួយដែលត្រូវយកចិត្តទុកដាក់ផងដែរ ដើម្បីធានាបាននូវសុខភាពរយៈពេលវែង និងសមត្ថភាពបំពេញការងារប្រកបដោយនិរន្តរភាពសម្រាប់កងកម្លាំងដែលចូលរួមក្នុងប្រតិបត្តិការរក្សាសន្តិភាពរបស់អង្គការសហប្រជាជាតិ។

តំណាងនាយកដ្ឋានរក្សាសន្តិភាពវៀតណាម អ្នកជំនាញអូស្ត្រាលី និងប្រតិភូថតរូបអនុស្សាវរីយ៍

តំណាងនាយកដ្ឋានរក្សាសន្តិភាពវៀតណាម និងអ្នកជំនាញអូស្ត្រាលីថតរូបអនុស្សាវរីយ៍ជាមួយសមាជិកកងវិស្វកម្មលេខ៤

លោកវរសេនីយ៍ឯក Nguyen Nhu Canh បានអះអាងថា សកម្មភាពផ្លាស់ប្តូរបទពិសោធន៍នេះគឺជាឱកាសដ៏មានតម្លៃសម្រាប់កម្មាភិបាល និងបុគ្គលិកនៃកងវិស្វកម្មលេខ៤ ដែលត្រៀមខ្លួនទៅបំពេញបេសកកម្មអន្តរជាតិ អាចទទួលបានចំណេះដឹងជាក់ស្តែង បទពិសោធន៍ និងវិធីសាស្ត្រគាំទ្រផ្លូវចិត្តពីក្រុមអ្នកជំនាញដែលមានបទពិសោធន៍នៃកងទ័ពអូស្ត្រាលី។

គួរំលឹកថា នាថ្ងៃទី ២០ ឧសភា ពិធីបើកការផ្លាស់ប្ដូរបទពិសោធន៍បានប្រព្រឹត្តទៅនៅមន្ទីរពេទ្យយោធាលេខ ១៧៥ នៅទីក្រុងហូជីមិញ។ អ្នកជំនាញអូស្ត្រាលី និងកម្មាភិបាលមួយចំនួនដែលបានបញ្ចប់បេសកកម្មនៅកងទ័ពកម្រិត២ លេខ៣ និងកងពេទ្យកម្រិត២ លេខ៥ បានផ្លាស់ប្តូរ និងចែករំលែកបទពិសោធន៍ជាមួយសមាជិកនៃកងពេទ្យកម្រិត២ លេខ៧ ដែលកំពុងត្រៀមខ្លួនទៅបំពេញបេសកកម្មនៅប្រទេសស៊ូដង់ខាងត្បូង៕

បកប្រែដោយ Duy Hoan