បង្កើនការផ្សព្វផ្សាយ និងជម្រុញទេសចរណ៍ទីក្រុង Nha Trang ខេត្ត Khanh Hoa នៅទីផ្សារអូស្ត្រាលី

ក្នុងសន្និសីទនេះ លោក Dinh Van Thieu បានសង្កត់ធ្ងន់ថា ខេត្ត Khanh Hoa មានបំណងចង់ពង្រឹងកិច្ចសហប្រតិបត្តិការលើគ្រប់វិស័យជាមួយមូលដ្ឋាន និងធុរកិច្ចអូស្ត្រាលី ជាពិសេសក្នុងការតភ្ជាប់ផ្លូវជើងហោះហើរ និងការអភិវឌ្ឍផលិតផលទេសចរណ៍ដែលមានគុណភាពខ្ពស់។

ថ្នាក់ដឹកនាំសមាគមទេសចរណ៍ Nha Trang ខេត្ត Khanh Hoa ចុះហត្ថលេខាលើអនុស្សរណៈនៃការយោគយល់គ្នាស្ដីពីកិច្ចសហប្រតិបត្តិការជាមួយធុរកិច្ចអូស្ត្រាលី

ក្នុងឱកាសនេះ ប្រតិភូត្រូវបានទទួលព័ត៌មានអំពីសក្ដានុពល និងប្រៀបខ្លាំងនៃផ្នែកទេសចរណ៍របស់ខេត្ត Khanh Hoa គោលដៅទេសចរណ៍លេចធ្លោ សេវាកម្មសម្រាក់លំហែកាយដ៏ប្រណិត ផលិតផលទេសចរណ៍សមុទ្រពិសេស និងការស្វែងយល់អំពីវប្បធម៌ដ៏សម្បូរបែបនៅមូលដ្ឋាន។ តំណាងក្រុមហ៊ុនអាកាសចរណ៍ជាតិ Vietnam Airlines និងក្រុមហ៊ុនអាកាសចរណ៍ Vietjet Air បានផ្ដល់ព័ត៌មានអំពីផ្លូវហោះហើរដែលមានស្រាប់ និងសម្តែងនូវបំណងចង់សហប្រតិបត្តិការក្នុងការបង្កើនការតភ្ជាប់ផ្លូវជើងហោះហើររវាងប្រទេសទាំងពីរ បង្កើតលក្ខខណ្ឌអំណោយផលសម្រាប់ភ្ញៀវទេសចរអូស្ត្រាលីទៅកាន់ខេត្ត Khanh Hoa និងផ្ទុយមកវិញ។

ធុរកិច្ចអូស្ត្រាលីជាច្រើនបានសម្តែងចំណាប់អារម្មណ៍អំពីផលិតផលទេសចរណ៍ពិសេស សមត្ថភាពក្នុងកិច្ចសហការរវាងអង្គការទេសចរណ៍ និងការធានាសុវត្ថិភាព និងសន្តិសុខសម្រាប់ភ្ញៀវទេសចរអន្តរជាតិ។ ខេត្ត Khanh Hoa បានអះអាងនូវបំណងចង់សហការយ៉ាងជិតស្និទ្ធជាមួយដៃគូអូស្ត្រាលី ដើម្បីកសាងផលិតផលទេសចរណ៍សមស្របទៅនឹងទីផ្សារ និងបង្កើនការផ្សព្វផ្សាយ និងការតភ្ជាប់ប្រកបដោយប្រសិទ្ធភាព។

ក្នុងសន្និសីទ ពិធីប្រគល់ពិធីប្រគល់កំណត់ហេតុកិច្ចសហប្រតិបត្តិការរវាងសមាគមទេសចរណ៍ទីក្រុង Nha Trang ខេត្ត Khanh Hoa និងដៃគូទេសចរណ៍នៅអូស្ត្រាលី រួមចំណែកផ្សព្វផ្សាយរូបភាពទេសចរណ៍ Nha Trang ខេត្ត Khanh Hoa ដល់ភ្ញៀវទេសចរអូស្ត្រាលី រួមចំណែកអភិវឌ្ឍសេដ្ឋកិច្ចសង្គមនៃមូលដ្ឋាន និងពង្រឹងទំនាក់ទំនងមិត្តភាពរវាងប្រទេសទាំងពីរ៕

បកប្រែដោយ Thuy Anh