ប្រទេសទាំងមូលទទួលភ្ញៀវទេសចរជាង ១០.៥ លាននាក់ក្នុងអំឡុងពេល ៥ ថ្ងៃឈប់សម្រាក

តាមនោះ រយៈពេល ៥ ថ្ងៃឈប់សម្រាកក្នុងឱកាសទី ៣០ មេសាឆ្នាំនេះក៏បានគូសសញ្ញាសម្គាល់មួយ ដែលមានចំនួនភ្ញៀវទេសចរច្រើនបំផុត ចាប់តាំងពីការរាតត្បាតនៃជំងឺកូវីដ-១៩មក ដោយទទួលភ្ញៀវទេសចរជាង ១០.៥ លាននាក់ កើនឡើងជាង ៣១% បើធៀបនឹងរយៈពេលដូចគ្នាកាលពីឆ្នាំមុន។

រូបថតឧទាហរណ៍ (baochinhphu.vn)

យោងតាមនាយកដ្ឋានទេសចរណ៍ជាតិ គោលដៅទេសចរណ៍សំខាន់ៗភាគច្រើននៅទូទាំងប្រទេសបានកត់ត្រានូវសញ្ញាវិជ្ជមានជាមួយនឹងការកើនឡើងយ៉ាងខ្លាំងនៃចំនួនភ្ញៀវទេសចរពី ៥០ ទៅ ១០០% បើធៀបនឹងរយៈពេលដូចគ្នាកាលពីឆ្នាំមុន។ ទីក្រុងហូជីមិញ បានប្រព្រឹត្តទៅពិធីអបអរសាទរខួបលើកទី ៥០ នៃទិវារំដោះភាគខាងត្បូង និងបង្រួបបង្រួមជាតិ (៣០ មេសា ១៩៧៥ - ៣០ មេសា ២០២៥) ដោយទាក់ទាញភ្ញៀវទេសចរជាង ៣ លាននាក់។ ខេត្តនិងក្រុងផ្សេងទៀតក៏បានទទួលភ្ញៀវទេសចរជាង ១ លាននាក់ រួមមានខេត្ត Thanh Hoa (១.៦ លាននាក់) ខេត្ត Quang Ninh (១.១ លាននាក់) និងខេត្ត Khanh Hoa (១ លាននាក់)។

ទាក់ទងនឹងប្រាក់ចំណូលទេសចរណ៍វិញ ទីក្រុងហូជីមិញនៅតែឈានមុខគេនៅទូទាំងប្រទេស ដោយទទួលប្រាក់ចំណូលជាង ១៥.៧០០ ពាន់លានដុង (ប្រហែល ៥៨០ លានដុល្លារអាមេរិក) ខណៈដែលខេត្ត Thanh Hoa ជាប់ចំណាត់ថ្នាក់លេខ ២ ជាមួយនឹងប្រាក់ចំណូលជិត ៤.២០០ ពាន់លានដុង (ជាង ១៦០ លានដុល្លារ)៕

តាម vovworld.vn