កោះ Phu Quoc ទទួលស្វាគមន៍ក្រុមភ្ញៀវទេសចរធំៗជាច្រើនមកពីកម្ពុជា

ជាក់ស្ដែង ពីថ្ងៃទី១៨ ដល់ថ្ងៃទី២០ ខែឧសភា ក្រុមទេសចរណ៍មកពីប្រទេសកម្ពុជាដែលមានមនុស្សរាប់ពាន់នាក់ ស្នាក់នៅសណ្ឋាគារលំដាប់ផ្កាយ ៤ នៅកោះ Phu Quoc។

ក្រុមភ្ញៀវទេសចរកម្ពុជាដើរលេងកម្សាន្ដនៅកោះ Phu Quoc ចាប់ពីថ្ងៃទី១៨ ដល់ថ្ងៃទី ២០ ខែឧសភា ឆ្នាំ២០២៥

លោក Thach Ngoc Hung នាយកក្រុមហ៊ុន Vietnam Landtours បានឲ្យដឹងថា ចាប់ពីថ្ងៃទី១៨ ដល់ថ្ងៃទី២០ ខែឧសភា ក្រុមហ៊ុនបានទទួលស្វាគមន៍ និងបម្រើភ្ញៀវទេសចរកម្ពុជាប្រមាណ ១,០០០ នាក់មកកាន់វៀតណាម៖ “ភ្ញៀវទេសចរកម្ពុជាមួយក្រុមនេះ បានស្នាក់នៅ Phu Quoc រយៈពេល ៣ ថ្ងៃនិងចូលរួមសកម្មភាពលេងកម្សាន្តជាច្រើន។ ភ្ញៀវទេសចរមួយក្រុមនេះ ក៏បានជ្រើសរើសស្នាក់នៅក្នុងសណ្ឋាគារលំដាប់ផ្កាយ ៤ និងប្រើប្រាស់បន្ទប់ស្នាក់នៅប្រហែល ៤៥០ បន្ទប់”។

ភោជនីយដ្ឋាននៅ Phu Quoc បម្រើភ្ញៀវខ្មែរចំនួន ១០០០ នាក់

បន្ទាប់ពីរយៈពេល ៤ ខែដើមឆ្នាំនេះ  Phu Quoc បានទទួលស្វាគមន៍ភ្ញៀវទេសចរជាង ២.៨ លាននាក់ (កើនឡើង ២៥.៩% ធៀបនឹងរយៈពេលដូចគ្នា) ដែលក្នុងនោះ ភ្ញៀវទេសចរអន្តរជាតិមានចំនួនជាង ៦២២ ពាន់នាក់ (កើនឡើង ៧១.២% ធៀបនឹងរយៈពេលដូចគ្នា)។ ចំណូលទេសចរណ៍សរុបនៅកោះ Phu Quoc បន្ទាប់ពី ៤ ខែ សម្រេចបាន ១៤,២២៦ ពាន់លានដុង (កើនឡើង ៧៩.១% ធៀបនឹងរយៈពេលដូចគ្នា)៕

បកប្រែដោយ Pham Diep