ចិនមានគោលបំណងចង់ពង្រឹងកិច្ចសហប្រតិបត្តិការក្នុងការអភិវឌ្ឍស្បៀងអាហារ និងកសិកម្មជាមួយអាស៊ាន

ទិដ្ឋភាពនៃកិច្ចប្រជុំ (រូបថត៖ vov.vn)

កិច្ចប្រជុំនេះមានការចូលរួមពីប្រតិភូជិត ៤០០ នាក់ ដែលជាមន្ត្រី អ្នកប្រាជ្ញ និងសហគ្រាសក្នុងវិស័យកសិកម្មមកពីប្រទេសចិន និងបណ្តាប្រទេសអាស៊ាន ដែលបានពិភាក្សាអំពីរបៀបអនុវត្តការព្រមព្រៀងជាឯកច្ឆន្ទរបស់មេដឹកនាំចិន-អាស៊ាន ជំរុញការចែករំលែកការផ្លាស់ថ្មីបច្ចេកវិជ្ជាកសិកម្ម អភិវឌ្ឍកសិកម្មបៃតង ពង្រីកពាណិជ្ជកម្ម និងវិនិយោគកសិកម្មទ្វេភាគី រួមគ្នាឆ្លើយតបទៅនឹងបញ្ហាប្រឈមពាណិជ្ជកម្មពិភពលោក និងរួមគ្នាបង្កើតវិបុលភាពសម្រាប់សេដ្ឋកិច្ច និងកសិកម្មក្នុងតំបន់។

ផ្សព្វផ្សាយរូបភាព និងទំនិញរបស់ប្រទេសចិន និងប្រទេសអាស៊ានក្នុងកិច្ចប្រជុំ (រូបថត៖ vov.vn)

មានប្រសាសន៍ក្នុងកិច្ចប្រជុំ លោក Maierdan Mugaiti អនុរដ្ឋមន្ត្រីក្រសួងកសិកម្ម និងជនបទរបស់ចិន បានបញ្ជាក់ថា ចិនត្រៀមខ្លួនជាស្រេចសហប្រតិបត្តិការជាមួយបណ្តាប្រទេសអាស៊ាន ចែករំលែកបទពិសោធន៍ និងបច្ចេកវិទ្យា ក៏ដូចជាឱកាសអភិវឌ្ឍន៍ ជំរុញវិស័យកសិកម្មក្នុងតំបន់ឱ្យអភិវឌ្ឍក្នុងទិសដៅប្រកបដោយសុវត្ថិភាព បៃតង ឆ្លាតវៃ និងស្ថិរភាពជាងមុន រួមចំណែកកាន់តែច្រើនដល់សន្តិសុខស្បៀងក្នុងតំបន់ និងពិភពលោក៕

បកប្រែដោយ Huyen Trang