វៀតណាមចែករំលែកបទពិសោធន៍ជាច្រើនក្នុងការសង្គ្រោះគ្រោះមហន្តរាយ

នៅក្នុងកិច្ចប្រជុំ ប្រតិភូទាំងឡាយបានពិនិត្យឡើងវិញនូវកិច្ចសហប្រតិបត្តិការជួយសង្គ្រោះគ្រោះមហន្តរាយក្នុងតំបន់។ ដោយប្រឈមមុខនឹងការប្រែប្រួលអាកាសធាតុ ហានិភ័យនៃគ្រោះធម្មជាតិ ការកើនឡើងនៃខ្យល់ព្យុះ និងទឹកជំនន់ ប្រតិភូទាំងឡាយ បានឯកភាពថា គប្បីជំរុញកិច្ចសហប្រតិបត្តិការក្នុងតំបន់ ផ្តល់អាទិភាពលើការលើកកម្ពស់សមត្ថភាព និងការត្រៀមខ្លួនជាស្រេចក្នុងការឆ្លើយតប ការកាត់បន្ថយហានិភ័យ និងការលើកកម្ពស់ប្រសិទ្ធភាពនៃកិច្ចសហការរវាងយោធានិងជនស៊ីវិលក្នុងការជួយសង្គ្រោះមនុស្សធម៌។

ទិដ្ឋភាពនៃកិច្ចប្រជុំ (រូបថត៖ vnanet.vn)

ក្នុងនាមជាសហប្រធាននៃកិច្ចប្រជុំ គណៈប្រតិភូវៀតណាមបានចូលរួមយ៉ាងសកម្មក្នុងការសម្របសម្រួល និងដាក់ទិសដៅសំខាន់ៗជាច្រើន ដោយសង្កត់ធ្ងន់លើការបង្កើនកិច្ចសហការ និងការតភ្ជាប់រវាងយន្តការក្នុងតំបន់ដែលចូលរួមក្នុងការជួយសង្គ្រោះគ្រោះមហន្តរាយ ដើម្បីធានាជួយគាំទ្រគ្នាទៅវិញទៅមក ហើយបង្កើនកិច្ចសហការរវាងប្រទេសនានាក្នុងការអនុវត្តសកម្មភាពជួយសង្គ្រោះអន្តរជាតិ រួមទាំងការស្រាវជ្រាវ និងការរៀបចំសមយុទ្ធនៃ ARF... តំណាងក្រសួងការពារជាតិ ក្រសួងនគរបាល ក្រសួងកសិកម្ម និងបរិស្ថានវៀតណាម បានចែករំលែកបទពិសោធន៍របស់វៀតណាមក្នុងការលើកកំពស់សមត្ថភាពឆ្លើយតប និងជួយសង្គ្រោះជាបន្ទាន់ ព្រមទាំងផ្ដល់អនុសាសន៍សំខាន់ៗជាច្រើនដើម្បីបង្កើនកិច្ចសហប្រតិបត្តិការក្នុងតំបន់៕

បកប្រែដោយ Thuy Anh