វៀតណាមស្នើឲ្យអាស៊ានរក្សាសាមគ្គីភាព មជ្ឈភាព និងគោរពតាមច្បាប់អន្តរជាតិ

មានប្រសាសន៍ក្នុងសម័យប្រជុំ លោក Vu Hong Thanh អនុប្រធានរដ្ឋសភា បានវាយតម្លៃខ្ពស់ និងគាំទ្រចំពោះប្រធានបទ និងអាទិភាពរបស់ម៉ាឡេស៊ី ក្នុងអំឡុងឆ្នាំធ្វើជាប្រធានអាស៊ាន និង AIPA របស់ខ្លួន រួមទាំងអាទិភាពលើកំណើនបរិយាបន្ន និងនិរន្តរភាព បរិវត្តកម្មបៃតង បរិវត្តកម្មឌីជីថល ទាញយកប្រយោជន៍ពីការអភិវឌ្ឍវិទ្យាសាស្ត្រ និងបច្ចេកវិទ្យា។  លោកក៏បានអះអាងថា វៀតណាមនឹងបន្តគាំទ្រ និងសម្របសម្រួលយ៉ាងជិតស្និទ្ធជាមួយម៉ាឡេស៊ី ដើម្បីសម្រេចបានជោគជ័យនូវគោលដៅ និងអាទិភាពដែលបានកំណត់។

គណៈប្រតិភូរដ្ឋសភាវៀតណាម ចូលរួមកិច្ចប្រជុំត្រៀមសម្រាប់កិច្ចប្រជុំថ្នាក់ដឹកនាំអាស៊ាន-AIPA លើកទី១៤ (រូបថត៖ vnanet.vn)

អំពីសេចក្តីព្រាងសាររបស់ប្រធាន AIPA គណៈប្រតិភូវៀតណាមបានចូលរួមយ៉ាងសកម្ម និងមានសំណើ និងវិភាគទានសំខាន់ៗជាច្រើន។ គណៈប្រតិភូវៀតណាមបានសង្កត់ធ្ងន់ថា ក្នុងបរិបទដែលអាស៊ានទើបតែបានអនុម័តលើចក្ខុវិស័យសហគមន៍អាស៊ាន ឆ្នាំ២០៤៥ និងផែនការយុទ្ធសាស្ត្រ បង្កើតក្របខណ្ឌកិច្ចសហប្រតិបត្តិការ និងសមាហរណកម្មស៊ីជម្រៅសម្រាប់អាស៊ានក្នុងដំណាក់កាលថ្មី AIPA ចាំបាច់ត្រូវផ្ញើសារគាំទ្រយ៉ាងរឹងមាំ និងកិច្ចសន្យាសម្របសម្រួលយ៉ាងជិតស្និទ្ធ និងរួមដំណើរជាមួយរដ្ឋាភិបាល និងប្រជាជននៃបណ្តាប្រទេសអាស៊ាន និងអនុវត្តគោលដៅ និងអាទិភាពនានា។

គណៈប្រតិភូវៀតណាមក៏បានស្នើថា ចាំបាច់ត្រូវបន្តផ្តល់អាទិភាពខ្ពស់ក្នុងការបង្រួមគម្លាតអភិវឌ្ឍន៍ និងអភិវឌ្ឍមហាអនុតំបន់ រួមទាំងមហាអនុតំបន់មេគង្គផងដែរ។ ក្នុងបរិបទនៃការអភិវឌ្ឍដ៏ស្មុគស្មាញនៅលើពិភពលោក និងក្នុងតំបន់ គណៈប្រតិភូវៀតណាមបានស្នើថា អាស៊ានរក្សាសាមគ្គីភាព និងតួនាទីជាមជ្ឈភាព លើកកម្ពស់ការអនុលោមតាមច្បាប់អន្តរជាតិ រួមទាំង UNCLOS ដោយហេតុនេះបន្តរួមចំណែកជាក់ស្តែងដល់សន្តិភាព ស្ថិរភាព និងការអភិវឌ្ឍក្នុងតំបន់៕

បកប្រែដោយ Thanh Cong