កសាងបណ្តាញសហប្រតិបត្តិការដ៏រឹងមាំរវាងសមាជិកសភាវ័យក្មេងអាស៊ាន

អញ្ជើញចូលរួមកម្មវិធីមាន៖ លោក Nguyen Anh Tuan សមាជិកគណៈកម្មាធិការមជ្ឈិមបក្ស អនុប្រធានគណៈកម្មាធិការគោលនយោបាយ និងយុទ្ធសាស្ត្រមជ្ឈិម ប្រធានក្រុមសមាជិកសភាវ័យក្មេង នៃរដ្ឋសភាវៀតណាម និងលោកស្រី Siti Rozaimeriyanty Dato Haji Abdul Rahman អគ្គលេខាធិការ AIPA។

ប្រតិភូចូលរួមកម្មវិធី AIPA Roadshow នៅវៀតណាម

នេះជាលើកដំបូងហើយដែលកម្មវិធី AIPA Roadshow ត្រូវបានរៀបចំឡើងនៅប្រទេសវៀតណាម។ តាមរយៈការសន្ទនា ការជួបប្រាស្រ័យ និងការចែករំលែក ជាមួយយុវជន កម្មវិធី AIPA Roadshow រួមចំណែកផ្សព្វផ្សាយសារអំពីតួនាទីរបស់ AIPA ក្នុងការជំរុញកិច្ចសហប្រតិបត្តិការក្នុងតំបន់តាមរយៈការទូតសភា។ ទន្ទឹមនឹងនោះ លើកកម្ពស់ការយល់ដឹងអំពីសកម្មភាពរបស់សមាជិកសភាវ័យក្មេងរបស់ AIPA ជំរុញការតភ្ជាប់រវាងយុវជននៃបណ្តាប្រទេសក្នុងតំបន់។

ការរៀបចំកម្មវិធី AIPA Roadshow មានគោលបំណងបង្ហាញពីការចូលរួមយ៉ាងសកម្ម ម្ចាស់ការ និងប្រកបដោយការទទួលខុសត្រូវរបស់រដ្ឋសភាវៀតណាមនិយាយរួម និងសមាជិករដ្ឋសភាវ័យក្មេងនិយាយដោយឡែក ក្នុងការជំរុញការចូលរួមរបស់យុវជនសម្រាប់គំនិតផ្តួចផ្តើម និងការយកចិត្តទុកដាក់រួមរបស់អាស៊ាន រួមចំណែកលើកកម្ពស់ការយល់ដឹងរបស់យុវជនវៀតណាមចំពោះសកម្មភាពរបស់ AIPA និងតួនាទីរបស់សមាជិកសភាវ័យក្មេង AIPA ក្នុងកិច្ចការទូតសភា៕

បកប្រែដោយ Thanh Cong