និមិត្តរូបនៃកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគរវាងចិន និងអាស៊ាន
កប.អនឡាញ - នាថ្ងៃទី ១៧ ខែកញ្ញា ពិធីបើកពិព័រណ៍ពាណិជ្ជកម្មចិន-អាស៊ាន (CAEXPO) និងកិច្ចប្រជុំកំពូលពាណិជ្ជកម្ម-វិនិយោគ ចិន-អាស៊ាន (CABIS) លើកទី២២ ឆ្នាំ២០២៥ បានប្រព្រឹត្តទៅនៅមជ្ឈមណ្ឌលពិព័រណ៍ទីក្រុងណាននីង តំបន់ស្វយ័តជនជាតិ Zhuang Guangxi ប្រទេសចិន។ លោក Mai Van Chinh ឧបនាយករដ្ឋមន្ត្រីវៀតណាម បានដឹកនាំគណៈប្រតិភូវៀតណាមចូលរួមព្រឹត្តិការណ៍នេះ។
ក្នុងពិធីបើក លោក Mai Van Chinh បានឲ្យដឹងថា បន្ទាប់ពីត្រូវបានរៀបចំ ២១ លើកហើយនោះ CAEXPO និង CABIS បានរួមចំណែកជាវិជ្ជមានដល់ការអភិវឌ្ឍ និងកិច្ចសហប្រតិបត្តិការ ហើយក្លាយទៅជានិមិត្តរូបនៃកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគរវាងចិន និងអាស៊ាន។ លោកសង្កត់ធ្ងន់លើមោទនភាពរបស់វៀតណាមក្នុងការរួមចំណែកដល់ជោគជ័យរួមនៃការរៀបចំ CAEXPO និង CABIS ទាំង ២១ លើក កន្លងមក។
    |
 |
|
លោក Mai Van Chinh ឧបនាយករដ្ឋមន្ត្រី ថ្លែងមតិក្នុងពិធីបើក (រូបថត៖ baochinhphu.vn) |
នៅក្នុងពិព័រណ៍លើកនេះ វៀតណាមបន្តមានស្តង់ជិត ២០០ របស់ធុរកិច្ចយ៉ាងច្រើនកុះករដែលតាំងបង្ហាញផលិតផលដ៏សម្បូរបែប មានគុណភាពខ្ពស់ ក្នុងវិស័យដែលវៀតណាមមានប្រៀបខ្លាំង និងមានលក្ខណៈបំពេញបន្ថែមសម្រាប់ទីផ្សារចិន ក៏ដូចជាបណ្តាប្រទេសអាស៊ាន ដូចជាផលិតផលកសិកម្ម អាហារកែច្នៃ គ្រឿងសង្ហារឹម និងទំនិញសិប្បកម្ម។ល៕
* នាថ្ងៃដដែល លោក Mai Van Chinh ឧបនាយករដ្ឋមន្ត្រី បានចូលរួមកិច្ចសន្ទនាតុមូលរវាងរដ្ឋាភិបាលវៀតណាម និងនាយកប្រតិបត្តិនៃបណ្ដាធុរកិច្ចចិនក្នុងក្របខ័ណ្ឌនៃពិព័រណ៍ CAEXPO និងកិច្ចប្រជុំ CABIS លើកទី២២៕
បកប្រែដោយ Thuy Anh