អ៊ីរ៉ង់បញ្ជាក់កាលបរិច្ឆេទសម្រាប់កិច្ចចរចានុយក្លេអ៊ែរជុំថ្មីជាមួយអាមេរិក
ទីភ្នាក់ងារសារព័ត៌មានពាក់កណ្តាលផ្លូវការ Tasnim នៅថ្ងៃទី ៩ ឧសភាបានដកស្រង់សម្តីរបស់សមាជិកនៃគណៈប្រតិភូអ៊ីរ៉ង់ដែលបញ្ជាក់ថា ប្រទេសនេះបានយល់ព្រមរៀបចំកិច្ចចរចានុយក្លេអ៊ែរដោយប្រយោលលើកទី ៤ ជាមួយសហរដ្ឋអាមេរិកនៅថ្ងៃស្អែក (១១ឧសភា) នៅប្រទេសអូម៉ង់។
ប្រភពព័ត៌មាននេះបានឲ្យថា អ៊ីរ៉ង់បានយល់ព្រមលើសំណើររបស់រដ្ឋមន្ត្រីការបរទេសអូម៉ានី Sayyid Badr bin Hamad bin Hamood Albusaidi ដើម្បីរៀបចំកិច្ចចរចាដោយប្រយោលលើកទី៤ រវាងទីក្រុងតេអ៉េរង់និង វ៉ាស៊ីនតោន ដោយបន្ថែមថា កាលបរិច្ឆេទសម្រាប់កិច្ចចរចា "ត្រូវបានកំណត់"។
    |
 |
|
លោក Seyed Abbas Araghchi រដ្ឋមន្ត្រីការបរទេសអ៊ីរ៉ង់នៅក្នុងសន្និសីទសារព័ត៌មាននៅទីក្រុង Tehran (រូបថត៖ vnanet.vn) |
កិច្ចចរចាដោយប្រយោលលើកទី ៤ រវាងអ៊ីរ៉ង់និងអាមេរិក ដើមឡើយគ្រោងនឹងធ្វើឡើងនៅថ្ងៃទី ៣ ឧសភា នៅទីក្រុងរ៉ូម ប្រទេសអ៊ីតាលី ប៉ុន្តែត្រូវបានពន្យារពេលដោយសារ "ហេតុផលឡូជីស្ទិច" នេះបើយោងតាមសេចក្តីប្រកាសពីអន្តរការីចរចារបស់ប្រទេសអូម៉ង់។
មកទល់ពេលនេះ ការចរចាដោយប្រយោលចំនួន ៣ ត្រូវបានធ្វើឡើងរវាងគណៈប្រតិភូអ៊ីរ៉ង់ និងសហរដ្ឋអាមេរិក តាមរយៈការសម្រុះសម្រួលនៃប្រទេសអូម៉ង់ ដែលភាគីទាំងអស់បានទទួលស្គាល់ "លទ្ធផលវិជ្ជមាន"។ ទំនាក់ទំនងដោយប្រយោលបានកត់សម្គាល់កម្រិតទំនាក់ទំនងខ្ពស់បំផុតរវាងសហរដ្ឋអាមេរិក និងអ៊ីរ៉ង់ ចាប់តាំងពីទីក្រុងវ៉ាស៊ីនតោនបានដកខ្លួនជាឯកតោភាគីចេញពីកិច្ចព្រមព្រៀងនុយក្លេអ៊ែរឆ្នាំ ២០១៥ ដែលត្រូវបានគេស្គាល់ថា ជាផែនការសកម្មភាពទូលំទូលាយរួម (JCPOA) ក្នុងអំឡុងពេលអាណត្តិដំបូងរបស់ប្រធានាធិបតី លោក ដូណាល់ ត្រាំ៕
តាម vovworld.vn