ជម្លោះហាម៉ាស-អ៊ីស្រាអែល៖ អ៊ីស្រាអែលបានកោះហៅអ្នកបម្រុងរាប់ម៉ឺននាក់

ការប្រយុទ្ធគ្នានៅតំបន់ហ្គាហ្សាស្ទ្រីបកំពុងប្រឈមនឹងហានិភ័យកើនឡើង ខណៈដែល នៅថ្ងៃទី ៣ ខែឧសភា កងទ័ពអ៊ីស្រាអែលបានចេញបញ្ជាឱ្យកោះហៅអ្នកបម្រុងរាប់ម៉ឺននាក់ត្រៀមសម្រាប់ប្រតិបត្តិការយោធានៅតំបន់ត្រើយខាងលិចនិងតំបន់ហ្គាហ្សាស្ទ្រីប។ អ្នកបម្រុងត្រូវបានហៅឡើងកាលពីយប់ថ្ងៃទី ៣ ខែឧសភា (ម៉ោងក្នុងស្រុក) ហើយគ្រោងនឹងចាប់ផ្តើមបំពេញកាតព្វកិច្ចនៅសប្តាហ៍ក្រោយ។

រូបថតឧទាហរណ៍

នៅក្នុងសន្និសីទសារព័ត៌មានសន្តិសុខមួយថ្ងៃមុន (ថ្ងៃទី ២ ឧសភា) កងកម្លាំងការពារអ៊ីស្រាអែល (IDF) បាននិយាយថា ខ្លួនបានបង្ហាញផែនការសម្រាប់ប្រតិបត្តិការពង្រីកនៅក្នុងតំបន់ហ្គាហ្សា និងទទួលបានការយល់ព្រមពីលោក Benjamin Netanyahu នាយករដ្ឋមន្ត្រី។ ដូច្នោះហើយ គោលដៅនៃយុទ្ធនាការនេះគឺដើម្បីបង្កើនសម្ពាធដើម្បីបង្ខំចលនាហាម៉ាសឱ្យយល់ព្រមលើកិច្ចព្រមព្រៀងដោះលែងចំណាប់ខ្មាំង ជំនួសឱ្យការបំផ្លាញក្រុមយោធានេះ។ ដំណាក់កាលបន្ទាប់នៃការវាយលុកនឹងរួមបញ្ចូលប្រតិបត្តិការ IDF នៅក្នុងតំបន់ផ្សេងទៀតនៃតំបន់ហ្គាហ្សាស្ទ្រីប។ គណៈរដ្ឋមន្ត្រីសន្តិសុខរបស់អ៊ីស្រាអែលជួបប្រជុំគ្នានៅថ្ងៃទី ៤ ឧសភា ដើម្បីបោះឆ្នោតជាផ្លូវការអនុម័តផែនការទាំងនេះ។

ទាក់ទងនឹងប្រតិបត្តិការយោធារបស់អ៊ីស្រាអែលនៅតំបន់ហ្គាហ្សាស្ទ្រីប អាជ្ញាធរសុខាភិបាលហ្គាហ្សាបាននិយាយថា មនុស្សជាង ២,៣០០ នាក់ត្រូវបានស្លាប់នៅហ្គាហ្សា និងជាង ៦,០០០ នាក់បានរងរបួសចាប់តាំងពីថ្ងៃទី ១៨ ខែមីនា នៅពេលដែលអ៊ីស្រាអែលចាប់ផ្តើមប្រតិបត្តិការយោធាឡើងវិញ៕

តាម vovworld.vn