វៀតណាមជំរុញកិច្ចសហប្រតិបត្តិការអន្តរជាតិ ដើម្បីកែលម្អសេវាសុខាភិបាល​សម្រាប់​ពលករចំណាកស្រុក

ពិធីចុះហត្ថលេខានេះគូសសញ្ញាការអភិវឌ្ឍថ្មី ក្នុងទំនាក់ទំនងសហប្រតិបត្តិការរវាងក្រសួងសុខាភិបាលវៀតណាមជាមួយអ.ស.បនិយាយរួម និងជាមួយ IOM និយាយដោយឡែក សំដៅលើកកម្ពស់ការការពារសុខភាពរបស់ប្រជាជនក្នុងស្ថានភាពថ្មី។

ក្រសួងសុខាភិបាលវៀតណាម និងអង្គការទេសន្តរប្រវេសន៍អន្តរជាតិ ចុះហត្ថលេខាលើអនុស្សរណៈយោគយល់គ្នា ស្ដីពីពង្រឹងកិច្ចសហប្រតិបត្តិការលើកកម្ពស់សុខភាព និងគុណភាពជីវភាពរស់នៅរបស់ជនចំណាកស្រុក (រូបថត៖ IOM)

ថ្លែងមតិនៅពិធីនេះ អនុរដ្ឋមន្ត្រីក្រសួងសុខាភិបាល លោក Nguyen Tri Thuc បានសង្កត់ធ្ងន់ថា៖ “នាប៉ុន្មានឆ្នាំថ្មីៗនេះ ក្រសួងសុខាភិបាលបានសហការយ៉ាងសកម្មជាមួយ IOM លើវិស័យដែលទាក់ទងនឹងសុខភាពរបស់ជនចំណាកស្រុក រួមទាំងវិស័យដូចជា ការលើកកម្ពស់សុខភាព និងការយល់ដឹងរបស់ជនចំណាកស្រុក។ ភាគីទាំងពីរបានពង្រឹងកិច្ចសហប្រតិបត្តិការទ្វេភាគីក្នុងការគ្រប់គ្រងជំងឺរបេង និងត្រៀមខ្លួនឆ្លើយតបទៅនឹងស្ថានភាពអាសន្នផ្នែកសុខភាពសហគមន៍ នៅក្នុងអំឡុងមានគ្រោះធម្មជាតិ។ លើសពីនេះ នៅឆ្នាំ២០២៣ IOM បានជួយវៀតណាមរៀបចំសិក្ខាសាលាស្តីពីការលើកកម្ពស់សុខភាព - គោលដៅទី ៣ ក្នុងចំណោមគោលដៅអភិវឌ្ឍន៍សហសវត្សរបស់អ.ស.ប; គាំទ្រវៀតណាមក្នុងការអនុវត្តកិច្ចព្រមព្រៀងសកលស្តីពីការធ្វើចំណាកស្រុកស្របច្បាប់ សុវត្ថិភាព និងមានសណ្តាប់ធ្នាប់ របស់អ.ស.ប”។

រីឯខ្លួនវិញ លោកស្រី Park Mi-Hyung ប្រធានគណៈប្រតិភូ IOM ប្រចាំនៅវៀតណាម បានសង្កត់ធ្ងន់ថា កិច្ចសហប្រតិបត្តិការនេះ សំដៅធានាសុខភាព និងគុណភាពជីវភាពរស់នៅរបស់ជនចំណាកស្រុក ស្របតាមគោលដៅនៃកិច្ចព្រមព្រៀងសកលស្តីពីការធ្វើចំណាកស្រុកស្រប់ច្បាប់ សុវត្ថិភាព និងមានសណ្តាប់ធ្នាប់ (GCM) និងគោលដៅអភិវឌ្ឍន៍ប្រកបដោយចីរភាព (SDGs)៕

តាម vovworld.vn