វៀតណាម និងកូរ៉េខាងត្បូង បង្កើនកិច្ចសហប្រតិបត្តិការលើវិស័យធនធានធម្មជាតិ និងបរិស្ថាន

នាថ្ងៃទី ៦ មិនា នៅទីក្រុងហាណូយ លោក Dang Quoc Khanh  រដ្ឋមន្ត្រីក្រសួងធនធានធម្មជាតិ និងបរិស្ថាន បានអញ្ជើញទទួលជួបពិភាក្សាការងារជាមួយ លោក Choi Youngsam ឯកអគ្គរដ្ឋទូតវិសាមញ្ញ និងពេញសមត្ថភាពកូរ៉េខាងត្បូងប្រចាំវៀតណាម ដើម្បីពង្រីកកិច្ចសហប្រតិបត្តិការលើវិស័យធនធាន និងបរិស្ថានរវាងប្រទេសទាំងពីរ។

លោក Dang Quoc Khanh  រដ្ឋមន្ត្រីក្រសួងធនធានធម្មជាតិ និងបរិស្ថាន បានអញ្ជើញទទួលជួបពិភាក្សាការងារជាមួយ លោក Choi Youngsam ឯកអគ្គរដ្ឋទូតវិសាមញ្ញ និងពេញសមត្ថភាពកូរ៉េខាងត្បូងប្រចាំវៀតណាម

នៅក្នុងជំនួបនេះ លោក Dang Quoc Khanh សង្ឃឹមថា លោកឯកអគ្គរដ្ឋទូជួយគាំទ្រការជំរុញខ្លឹមសារកិច្ចសហប្រតិបត្តិការដែលបានចុះហត្ថលេខាដោយភាគីទាំងពីរតាមរយៈការតភ្ជាប់សកម្មភាពជាក់លាក់។

វៀតណាមក៏ចង់ឱ្យកូរ៉េខាងត្បូងជួយគាំទ្របទពិសោធន៍ បច្ចេកវិទ្យា និងហិរញ្ញវត្ថុ ដើម្បីស្ដារទន្លេ "ស្លាប់" ឡើងវិញ ជួយគាំទ្រអំពីធនធានមនុស្ស ដើម្បីកសាងមូលដ្ឋានទិន្នន័យដីធ្លីសម្រាប់ការគ្រប់គ្រងដីធ្លីប្រកបដោយប្រសិទ្ធភាព និងតម្លាភាព។

បកប្រែដោយ Duy Hoan