ជំរុញកិច្ចសហប្រតិបត្តិការលើវិស័យជាច្រើនរវាងរដ្ឋធានីហាណូយ និងមូលដ្ឋានម៉ុងហ្គោលី

នៅក្នុងជំនួបនេះ លោក Pham Qui Tien បានបញ្ជាក់ថា ក្នុងការតម្រង់ទិសដៅគោលនយោបាយការបរទេស រដ្ឋធានីហាណូយតែងតែយកចិត្តទុកដាក់ និងមានបំណងចង់ពង្រីកទំនាក់ទំនងមិត្តភាព និងកិច្ចសហប្រតិបត្តិការជាមួយបណ្តាមូលដ្ឋានក្នុងប្រទេសនានាលើពិភពលោក រួមមានរដ្ឋធានី Ulan Bator និងខេត្តទីក្រុងនានានៃប្រទេសម៉ុងហ្គោលី។

លោក Pham Qui Tien និងលោក Batbyabma Battulga

លោក Pham Qui Tien ចែករំលែកអំពីស្ថានភាពអភិវឌ្ឍរបស់រដ្ឋធានីហាណូយ ហើយសង្ឃឹមថា រដ្ឋធានីហាណូយ និងទីក្រុង Ulan Bator នឹងចុះហត្ថលេខាលើអនុស្សរណៈនៃការយោគយល់គ្នាស្ដីពីទិសដៅនៃកិច្ចសហប្រតិបត្តិការនាពេលខាងមុខ រួមទាំងសកម្មភាពផ្លាស់ប្តូរ ការចែករំលែកបទពិសោធន៍រវាងក្រុមប្រឹក្សាប្រជាជនគ្រប់លំដាប់ថ្នាក់ ការផ្លាស់ប្តូរពាណិជ្ជកម្ម ទេសចរណ៍...

លោក Batbyabma Battulga បានបញ្ជាក់ថា វៀតណាមជាអាទិភាពសំខាន់ក្នុងគោលនយោបាយការបរទេសរបស់ម៉ុងហ្គោលី ក្នុងនោះ ហាណូយ - Ulan Bator មានទីតាំងសំខាន់ណាស់។ លោក Batbyabma Battulga បានបញ្ជាក់ថា រាជធានីទាំងពីរនៅតែមានសក្ដានុពលអភិវឌ្ឍជាច្រើន ជាពិសេសលើវិស័យសេដ្ឋកិច្ច ពាណិជ្ជកម្ម ទេសចរណ៍ ការអភិវឌ្ឍធនធានមនុស្ស...

លោក Batbyabma Battulga ក៏បានសង្កត់ធ្ងន់លើសារៈសំខាន់នៃជំនួបប្រាស្រ័យរវាងប្រជាជន និងប្រជាជនដោយចាត់ទុកថា នេះជាកម្លាំងចលករដ៏សំខាន់សម្រាប់ពង្រឹងកិច្ចសហប្រតិបត្តិការរវាងវៀតណាម និងម៉ុងហ្គោលី ក៏ដូចជារវាង Ulan Bator និងហាណូយ ហើយរវាងបណ្ដាមូលដ្ឋាននៃប្រទេសពីរ៕

បកប្រែដោយ Thuy Anh