ខេត្ដ An Giang៖ គ្រួសារក្រីក្រ និងគ្រួសារទទួលរបបឧបត្ថម្ភគោលនយោបាយទទួលបានការពិនិត្យសុខភាពដោយឥតគិតថ្លៃ

អញ្ជើញចូលរួមនិងថ្លែងនៅកម្មវិធីនេះ លោកឧត្តមសេនីយ៍ត្រី Nguyen Minh Trieu មេបញ្ជាការរងនៃបញ្ជាការដ្ឋានយោធភូមិភាគទី៩ បានឲ្យដឹងថា ក្នុងប៉ុន្មានឆ្នាំកន្លងមកនេះ កងកម្លាំងប្រដាប់អាវុធនៃយោធភូមិភាគទី៩ បានអនុវត្តប្រកបដោយប្រសិទ្ធភាពនូវគោលនយោបាយ តបស្នងសងគុណ ផឹកទឹកឱ្យនឹកដល់ប្រភព និងចលនាប្រឡងប្រណាំង “កងកម្លាំងប្រដាប់អាវុធនៃយោធភូមិភាគ រួមដៃគ្នាកសាងជនបទថ្មី” និង“រួមដៃគ្នាដើម្បីអ្នកក្រីក្រ”។

លោកឧត្តមសេនីយ៍ត្រី Nguyen Minh Trieu មេបញ្ជាការរងនៃបញ្ជាការដ្ឋានយោធភូមិភាគទី៩ ថ្លែងក្នុងកម្មវិធីពិនិត្យសុខភាព

ប្រតិភូទាំងឡាយចូលរួមកម្មវិធី

លោកឧត្តមសេនីយ៍ត្រី Nguyen Minh Trieu បានសង្កត់ធ្ងន់ថា “សកម្មភាពពិនិត្យសុខភាពនិងព្យាបាលជំងឺលើកនេះ បានបង្ហាញឲ្យឃើញពីការដឹងគុណ “ផឹកទឹកឱ្យនឹកដល់ប្រភព” មនោសញ្ចេតនា និងទំនួលខុសត្រូវរបស់កងទ័ពចំពោះប្រជាជន ជាពិសេសចំពោះគ្រួសារទទួលរបបឧបត្ថម្ភគោលនយោបាយ គ្រួសារក្រីក្រ និងគ្រួសារជួបការលំបាក ក្នុងឱកាសរំលឹកខួបលើកទី ៥០  នៃទិវារំដោះភាគខាងត្បូង និងបង្រួបបង្រួមជាតិ (៣០ មេសា ១៩៧៥/៣០ មេសា ២០២៥) និងទិវាប្រពៃណីនៃយោធភូមិភាគទី ៩ (១០ ធ្នូ ១៩៤៥/១០ ធ្នូ ២០២៥) រួមចំណែកជាមួយគណៈកម្មាធិការបក្ស អាជ្ញាធរមូលដ្ឋានអនុវត្ដល្អនៃចលនា “ទូទាំងប្រទេសរួមដៃគ្នាដើម្បីអ្នកក្រីក្រ មិនទុកនរណាម្នាក់ចោលឡើយ” ព្រមទាំងបង្កើនទំនាក់ទំនងសាមគ្គីភាពរវាងកងទ័ពនិងប្រជាជន រួមចំណែកអនុវត្តប្រកបដោយប្រសិទ្ធភាពនូវគោលនយោបាយសន្តិសុខសង្គម ការពារនិងថែទាំសុខភាពសាធារណៈ និងលើកកម្ពស់គុណភាពនៃជីវភាពរស់នៅរបស់ប្រជាជន។

លោកឧត្តមសេនីយ៍ត្រី Nguyen Minh Trieu សួរសុខទុក្ខប្រជាពលរដ្ឋនៅឃុំ My Duc ស្រុក Chau Phu ខេត្ត An Giang

នៅកម្មវិធីនេះ ក្រុមគ្រូពេទ្យមកពីមន្ទីរពេទ្យយោធាលេខ ១២១ (នាយកដ្ឋានភស្តុភារ និងបច្ចេកទេសយោធភូមិភាគ៩) និងមន្ទីរពេទ្យពេទ្យវេជ្ជសាស្ដ្រ និងឱសថសាស្ដ្រ បានពិនិត្យសុខភាពឲ្យប្រជាពលរដ្ឋប្រហែល ៤០០ នាក់។ ក្រៅពីការពិនិត្យសុខភាព គ្រូពេទ្យក៏ណែនាំប្រជាពលរដ្ឋក្នុងការបង្ការជំងឺ រក្សាអនាម័យផ្ទាល់ខ្លួន ជួយប្រជាពលរដ្ឋលើកកម្ពស់ការយល់ដឹងពីការការពារសុខភាព ពិនិត្យសុខភាពជាប្រចាំ រកឃើញជំងឺ ដើម្បីព្យាបាលទាន់ពេលវេលា និងមានប្រសិទ្ធភាព។

គណៈកម្មការរៀបចំប្រគល់អំណោយដល់គ្រួសារក្រីក្រ និងគ្រួសារទទួលរបបឧបត្ថម្ភគោលនយោបាយក្នុងកម្មវិធី

ក្នុងឱកាសនេះ គណៈកម្មាធិការរៀបចំក៏បានប្រគល់អំណោយចំនួន ៤០០ កញ្ចប់ និងផ្ទះតបស្នងសងគុណ ១ ខ្នង ជូនគ្រួសារទទួលរបបឧបត្ថម្ភគោលនយោបាយ និងគ្រួសារក្រីក្រនៅឃុំ My Duc និងឃុំ Khanh Hoa ស្រុក Chau Phu ខេត្ត An Giang៕

បកប្រែដោយ Thanh Cong